مستريح الكمبوندات بالتحقيقات: أنا اللي اتنصب عليا من شخص بسبب بيع عربية| خاص
كشفت التحقيقات في القضية رقم 19880 جنح التجمع الأول، والمتهم فيها ي.م ع، والمعروف إعلاميا باسم مستريح الكمبوندات، بالاستيلاء على مبالغ مالية من مشاهير ورجال أعمال وممثلين وعدد من الشخصيات المهمة بقيمة 300 مليون جنيه، بزعم توظيف أموالهم وإعطائهم أرباحا شهرية منتظمة، وفور حصوله على تلك الأموال رفض سداد الأرباح أو حتى رد أصولها بمنطقة القاهرة الجديدة.
مستريح الكمبوندات
وقال المتهم ي. ك الشهير بمستريح الكمبوندات حول اتهامه بالاستيلاء على مبالغ مالية والنصب على محمد الشربيني وعن ظروف ضبطه وكيفية عرضه علي النيابة: الكلام ده حصل يوم 19 نوفمبر 2024 بالتجمع الخامس.
وجاءت بقية نص التحقيقات كالتالي:-
من كان برفقتك آنذاك؟
ج: كان معايا والدي ومحمد إبراهيم محمد الشربيني
س: ما مناسبة تواجدك بالمكان والزمان سالف الذكر رفقة المجني عليه محمد إبراهيم محمد الشربيني؟
ج: أنا كنت معاه بقالي 3 أيام بندور على واحد اسمه رجب حسين يوسف بيني وبينه معاملات تجارية
س: وما مناسبة تواجد والدك المتهم ياسر محمد عبد المجيد آنذاك؟
ج: والدي كان معانا عشان محمد إبراهيم الشربيني كلمة وقاله تعالى عايزك عشان الشيكات اللي والدي ماضيله عليها.
س: ما هي صلتك وعلاقتك بالمجني عليه محمد إبراهيم محمد عبد الحميد الشربيني تحديدا؟
ج: أنا عندي صفحة على إنستجرام وببيع فيها موتوسيكلات بحر، وكل ما يخص الألعاب المالية وتعرفت على محمد إبراهيم الشربيني واشترى مني عربيتين وده كان أول تعامل بيني وبينه ومن حوالى 3 شهور بعتله عربية مرسيدس أي 300 واتفقنا على 3 ملايين جنيه ونص.
بعدها بيومين قالي العربية فيها أجزاء راشة وأنا هخدها بـ2 مليون ودفع فعلا المبلغ ده وبعد ما خد منى العربية بحوالي شهر قالي أنا عايز أبيع العربية وقلتله أنا هشتريها وهدفعلك فيها 3 ملايين جنيه، وأخدت منه العربية وقلتله هكتبلك إيصالات أمانة رفض وقالي أنا عايز شيك بالمبلغ فخليت والدي يكتبله شيك بإجمالي ثمن العربية وسددتله من ثمنها مليون جنيه وباقى عليا أكثر من مليون جنيه.
س: ما قولك فيما قرر المجنى عليه سالف الذكر بمحضر جمع الاستدلالات
ج الكلام ده محصلش
س: ما تحليلك لما قرره سالف الذكر بمحضر جمع الاستدلالات؟
ج: هو بيقول كده علشان هو ليه عندي فعلا مبلغ مليون وثلاثمائة ألف جنيه فلوس العربية اللي أنا اشتريتها منه ووالدي مضيله على شيك بثمن العربية.
س: وهل معك عقود بشان شرائك للسيارة الخاصة بالمجني عليه على حسب روايتك؟
ج: لا علشان العربية أصلا أنا كنت بيعهاله وهي كانت باسمي ومكتبناش عقود بينا بالبيع.
س: هل من ثمة خلافات بينك وبين المجني عليه محمد إبراهيم محمد الشربيني؟
ج: لا مفيش غير موضوع العربية اللي أنا حكيت عليه ده.
