عمرو السولية: جيت الأهلي من أجل التاريخ.. وانتقالي لنادي الزمالك صفحة مقفولة
تحدث عمرو السولية لاعب النادي الأهلي عن ذكرياته مع مباراة الأهلي والزمالك في نهائي دوري أبطال إفريقيا، بالإضافة لكواليس انتقاله إلى النادي الأهلي من الإسماعيلي، وحقيقة انتقاله إلى نادي الزمالك
عمرو السولية: جيت الأهلي من أجل التاريخ.. وانتقالي لنادي الزمالك صفحة مقفولة
وقال عمرو السولية لاعب النادي الأهلي: أنا كنت شايف نفسي لو همشي من الإسماعيلي يبقى هروح الأهلي ودي كانت رغبتي وصفحة الزمالك دي كانت مقفولة بالنسبة ليا".
وتابع السولية في تصريحات تليفزيونية: من أكثر اللاعبين اللي بثق فيهم في الملعب وبحب اللعب جنبه هو حمدي فتحي وكان عندي ثقة إنه هيعوض غياب ديانح في نهائي القرن.
وأردف عمرو السولية: فيه فرق كبير بين مستوى البطولات بين الأهلي والإسماعيلي عشان كده مستوايا أول ما جيت للأهلي مكنش بنفس قوة مستوايا مع الإسماعيلي ولكن مع الوقت ابتديت اتعود على الأجواء وضغط المباريات، وكانت نقطة بدايتي الحقيقية عند تولي كابتن حسام البدري.
وواصل لاعب الأهلي: جيت الأهلي عشان البطولات واكتب اسمي في تاريخ النادي الأهلي والحمد لله اللي وصلتله ده فضل من عند الله وتعب سنين وطموح بيتجدد كل يوم وأنا راضي عن ما فعلته داخل الأهلي والفترة القادمة أقدر أحقق أكتر إن شاء الله.
وتابع: داخل الأهلي لو عملت ماتش كويس بستنى الماتش اللي بعده عشان تعمل أحسن وفي الأهلي كل يوم بطولة ده اللي اتعلمناه في الأهلي وكل يوم بطولة وكل يوم جديد، لازم اللاعب في الأهلي يكون عنده العقلية دي وإلا مش هيكمل في الأهلي.
