رانيا فريد شوقي: إلهام شاهين تقول ولا تُبالي.. وشائعات اعتزالي مش بتضايقني
أعربت الفنانة رانيا فريد شوقي عن سعادتها بتكريم الفنانة إلهام شاهين في مهرجان الفيوم السينمائي الدولي المقام حاليًا، حيث أكدت أنها كانت تربطها علاقة قوية بوالدها الفنان فريد شوقي، وكان يعتبرها مثل ابنته وتستحق التكريم في المهرجانات الفنية.
وقالت رانيا فريد شوقي في حوارها مع القاهرة 24: بحب إلهام شاهين من حبها لـ بابا هي بنته، وكمان من حبها لصناعة السينما والفن وشجاعتها، هي تقول ولا تبالي، مش منافقة.
كما تطرقت رانيا فريد شوقي للحديث عن الشائعات الأخيرة حول اعتزالها الفن، موضحة: اللي بيقول أني اعتزلت الفن تقريبًا نفسهم، واللي في الخير ربنا يقدمه، لو مكتوب الاعتزال هكون مبسوطة ومفيش حاجة بتضايقني لأني عارفة عايزة أعمل إيه ومش بجري وراء تريند ولا شهرة.
رانيا فريد شوقي: مهنة التمثيل مهنة على باب الله
وفي سياق مختلف، سبق وتحدثت رانيا فريد شوقي، عن صعوبة مهنة التمثيل والوسط الفني، موضحة أن هناك العديد من الوجوه الجديدة التي دخلت الوسط مؤخرًا، ولكن في المقابل هناك العديد من الفنانين بدون فرص عمل.
وقالت رانيا فريد شوقي: في الفترة اللي فاتت كان فيه وجوه كتيرة جديدة طلعت وده مش غلط، لكن لازم نعمل توازن بينهم وبين الممثلين اللي قبلهم اللي قاعدين في البيت دلوقتي، ومهنة التمثيل مهنة على باب الله والممثلين أرزقية، وبقيت بتعمل مسلسل واحد في السنة ده برضه صعب، لأن الأجر حسب حجم الدور والموضوع صعب أوي.
