رامي صبري: سبب شهرة توليت إنه خبى نفسه زي بتوع داعش.. وأحمد الفيشاوي لاسع
حلَّ الفنان رامي صبري ضيفًا على أحد البرامج التليفزيونية، وتحدث خلال حواره عن العديد من الأسرار الخاصة بمشواره الفني، وكشف عن رأيه في المطرب توليت بعد النجاح الكبير الذي حققه مؤخرًا، إضافة إلى أسرار أخرى.
نستعرض لكم في هذا التقرير أبرز تصريحات رامي صبري
-سبب شهرة توليت أنه طلع خبى نفسه زي بتوع داعش، والناس عايزه تعرف مين ده؟
-شيرين عبد الوهاب أختي وعشرة سنين طويلة هي وأحمد سعد، ومهما عملت معايا مش بزعل منها.
-معرفش ليه أحمد الفيشاوي قال عني إني بقلد عمرو دياب وأبطل غنى ؟ وهو معروف إنه لاسع معرفش كان يقصد إيه؟ يعني ينفع أقولك متمثلش تاني؟!
-أنا عارف قيمة التمثيل، ولكن أنا مش بعرف أحفظ ومش مش عايز ألغي المشروع بتاع رامي صبري المغني؛ عشان مجال التمثيل.
-الفن مختلف عن أي مهنة تانية؛ لأن الفنان مش بيشتغل علشان الفلوس، وتوقفت عن الشغل لمدة 3 سنوات بعد وفاة أخويا.
-أنا من ضمن قائمة Top 5 بين نجوم الغناء في مصر.
أعمال رامي صبري
على جانب آخر، طرح رامي صبري مؤخرا أغنية بين الحيطان، عبر موقع الفيديوهات الشهير يوتيوب، من ألبومه النهايات أخلاق، وهي من كلمات الشاعر الغنائي عمرو المصري، ألحان وتوزيع موسيقى عمرو الخضري.
كلمات أغنية بين الحيطان
وجاءت كلمات أغنية بين الحيطان كما يلي: وبعدين يا سنيني، أنا البعد آذيني، فراقه طلع عيني اتهديت، بشوف بعده مآسي لا نسيت ولا هكون ناسي، موجود في قلبي وراسي، حنيت، بين الحيطان شايفة وسائق زمان، ذكريات في المكان ما بتتنسيش.
