عمرو دياب في التحقيقات بقضية الشاب المصفوع: اتصورت معاه وتفاجأت بيه بيشدني ويقرصني
كشفت التحقيقات تفاصيل جديدة في واقعة الفنان عمرو دياب، واتهامه بصفع الشاب سعد أسامة خلال محاولة الشاب التقاط صور مع الفنان بأحد الفنادق بمنطقة القاهرة الجديدة، بعد أن حاول المجني عليه إمساك المطرب عمرو دياب من ملابسه خلال محاولة التقاط صورة معه.
نص تحقيقات عمرو دياب
وينسر القاهرة 24 التحقيقات في القضية التي حملت رقم 9741 لسنة 2024، وجاءت أقوال عمرو دياب في التحقيقات كمتهم كالآتي:-
أنا اسمي عمرو عبد الباسط دياب، اللي حصل أنا قولته كله في التحقيق قبل كده، وأن الشخص اللي مسكني وشدني بقوة من جنبي وقرصني خلال إحيائي لحفل الزفاف في 7 يونيو 2024، بفندق في التجمع الأول ولما حسيت إنه بيعتدى عليا ضربته بإيدى، وأنا مش عارف الضربة جات له فين إلا لما الفيديو نزل على مواقع التواصل الاجتماعي وشوفت الضربة جت على وشه، ودا كان رد فعل طبيعي علشان مسكنى بقوة من جنبي وهو اللى استفزني بطريقته بعد ما اتصور معايا هو اللي بدأ بالتعدي عليا الأول والسبب في إني انهي فقرتي في حفل الزفاف عشان اتسببلي في إيذاء بدني من إنه قام بامساكي من جنبي بقوة وقرصي وإيذاء معنوي لانه قام بالتشهير بيا على مواقع التواصل الاجتماعي وقمت بإبلاغ المحامي بتحرير محضر ضده ودا كل اللي حصل.
س: متى وأين حدث ذلك؟
ج: الواقعة بتاريخ 7 يونيو بفندق جي دبليو ماريوت التجمع الأول.
س: ما سبب ومناسبة تواجدك بالزمان والمكان سالفي الذكر؟
ج: انا كنت بقوم بإحياء حفل زفاف بالفندق.
س: امام من حدث ذلك ؟
ج: امام المدعوين لحفل الزفاف
س: وما هي بادرة تقابلك مع المدعو سعد أسامة سعد حال حدوث تلك الواقعة ؟
ج: انا كنت بقوم باحياء حفل زفاف بفندق جي دبليو ماريوت واتفاجئت بالشخص دا طلب منى انه يتصور معايا.
س: وما هي علاقتك بسالف الذكر وهل من ثمة خلافات بينكم ؟
ج: انا معرفوش ومفيش بينا علاقة.
س: وما هي الأفعال التي اتاها سالف الذكر تجاهك ؟
ج: هو طلب مني انه يتصور معايا وبعد ما أتصور معايا مسكني جامد من جنبی وشدنی وقرصنی.
س: وما هي الحالة التي كان عليها سالف الذكر ؟
ج: هو كان بيستفزني قدام الناس بطريقته وهو ماسك جنبي وبيقرصنی بایده.
س: وما التصرف الذى بدر منك عقب إتيان سالف الذكر بتلك الافعال؟
ج: انا لفيت بسرعة علشان ابعده عنى، ومن شدة الألم ضربته بايدى علشان ابعده عنى وبعدها نهيت فقرتي وغادرت
المكان.
