عزيز الشافعي: مقدرش أعيش من غير العود بتاعي
كشف الملحن عزيز الشافعي، عن الأغاني التي يفضلها من بين أعماله مع نجوم الوطن العربي، موضحًا أنه يعمل على العديد من المشاريع الفنية خلال الفترة المقبلة.
وقال عزيز الشافعي، في لقائه مع القاهرة 24: أنا مقدرش أعيش من غير العود بتاعي، ده الحاجة الوحيدة اللي مقدرش أستغنى عنها، وبحب الكثير من الأغاني ولكن أبرزهم أغنية زي ما أنتي، وحياتي مش تمام، أنا من غيرك، وأنا غلطان، وحالة خاصة جدًا وعدد آخر من الأغاني الآخر.
عزيز الشافعي عن جدل لقب صوت مصر: أنا مش مع المسميات
وفي سياق آخر كشف الملحن عزيز الشافعي عن رأيه في اختيار المطربة التي تستحق لقب صوت مصر حاليًا، الأمر الذي أثار جدلًا على مواقع التواصل الاجتماعي خلال الآونة الأخيرة، قائلًا: أنا مش مع المسميات دي وبحترم جدًا كل الفنانات المصريات، أنغام فنانة كبيرة جدًا وتستحق كل الألقاب الحلوة دي، وكذلك آمال ماهر وشيرين عبد الوهاب وغيرهم، والأسامي اللي حوالينا دلوقتي بنعتز بيهم وبنفخر بيهم ونفخر أن أي حد فيهم يبقى صوت للوطن العربي والعالم كله.
وسبق وأعرب عزيز الشافعي، عن سعادته الكبيرة بتكريمه كأفضل ملحن في عام 2024، في حفل توزيع دير جيست، حيث قال لـ القاهرة 24: سعيد بتكريمي في دير جيست، وحاسس إن أنا أستحق التكريم كأفضل ملحن 2024 والسنوات اللي فاتت بتصويت الجمهور وبآراء الناس، وأتمنى أكون أستحق التكريم ده ويكون عندي استحقاق علشان أفرح بيها، أكتر ما يكون في مجاملة.
