عمر متولي عن سبب تركه مسرح مصر: إرهاق وضغط عصبي
كشف الفنان عمر مصطفى متولي، سبب قراره بـ ترك العمل ضمن فريق مسرح مصر رفقة الفنان أشرف عبد الباقي، لافتًا إلى أن فترة عمله في مسرح مصر كانت من أمتع الفترات في حياته وفي حين أنها حملت كما من الضغط العصبي.
عمر متولي عن سبب تركه مسرح مصر: إرهاق وضغط عصبي
وقال عمر متولي، في حواره مع الإعلامية فاطمة مصطفى، في الراديو 9090: قعدت في مسرح مصر 5 سنين، وأشرف عبد الباقي مفيش أطيب منه، وكنا بنتخانق في البروفات ونرجع نضحك وننسى إحنا كنا بنتخانق على إيه، ولكن مسرح مصرح كان مرهق وكان بياخد مننا 16 ساعة في اليوم.
وواصل: إحنا عملنا كل سنة 25 مسرحية في 5 سنين، وده رقم كبير وبياخد وقت وطاقة ومجهود، الفنانين العظام زي فؤاد المهندس وسمير غانم كانوا بيعملوا رواية واحدة سنين وحافظينها، لكن إحنا بنعمل رواية جديدة كل 3 أيام، ده كان جنون وضغط عصبي.
وأضاف عمر مصطفى متولي: سيبت مسرح مصر، لأني كنت داخل على فيلم من أحلام حياتي، وبعمل معاه أكتر من حاجة، فكنت محتاج أرتاح، وبعدها بدأ عدد المسرحيات يقل.
عمر متولي: نفسي أقدم شخصية والدي في شمس الزناتي.. واعتذرت عنه بسبب الالتزامات
كما كشف عمر مصطفى متولي، عن سبب اعتذاره عن إعادة تقديمه شخصية والده في فيلم شمس الزناتي، قائلًا: من قبل ما أمثل وأنا نفسي أعمل الشخصية، من كتر حبي فيها من زمان، وكانت في دماغي، وتزامن ده مع فيلم بيعمله محمد وأنا بحب الدور الحلو، واللي حصل إن وقت ما كنا بنحضر مينفعش أقول للمنتج معلش هروح أعمل الشخصية دي في فيلم وآجي أعمله معاك في فيلم تاني، واعتذرت وقتها.
وواصل: بس محصلش أي مشاكل ولا أي حاجة، واللي عرفت أنه مرشح يعمل الدور هو شاب ممتاز وزي القمر وأسمر، وأنا شايف إن ده بيفيدنا مش بيضرنا.
