وسام أبو علي: أتمنى أبقى هداف الدوري ومش عاوز أزعّل جمهور الأهلي
عبّر وسام أبو علي مهاجم الأهلي عن سعادته بتحقيق الفوز على حساب سيراميكا كليوباترا وتسجيل هدفين، وصناعته هدفًا في المباراة الافتتاحية بمسابقة الدوري المصري الممتاز.
تصريحات وسام أبو علي
وقال وسام أبو علي في تصريحات تليفزيونية: في كرة الأسيست كنت عاوز ألعب الكرة لحسين ولكن لعبتها لطاهر والحكم قالي بشوفها لإما أوفسايد يا فاول لكن الحمد لله ربنا كرمنا واتحسبت هدف.
وأضاف: ربنا كرمنا بمكسب اليوم والدنيا كلها مش أهداف وأسيستات، وأنا مبسوط إني موجود في الفريق واحنا النهاردة ساعدنا بعض ودي أهم حاجة وأنا عاوز أكون هداف الدوري لكن أنا اللي يهمني زمايلي.
وأشار وسام أبو علي خلال تصريحاته: كل اللاعبين قريبين ليا وكلنا أخوات وأنا مبسوط لكل اللاعبين وربنا يكرمهم كلهم وكلنا لاعيبة كويسة ونحقق كل البطولات وكل اللي احنا عايزينه.
وأتم المهاجم الفلسطيني تصريحاته قائلًا: من خلال السوبر المصري الواحد عرف يعني إيه يلعب في النادي الأهلي وأنا حسيت إحساس رهيب في السوبر المصري إني مش عاوز أزعّل جمهور الأهلي ونفس الشيء في مباراة العين وحسيت بإحساس مختلف وربنا بيكرمني بأهداف عشان احتفل واتبسط معاهم.
