لاعب الزمالك السابق يعلن عودته للملاعب بعد اعتزال كرة القدم
أعلن حسني فتحي لاعب نادي الزمالك السابق عودته من اعتزال كرة القدم بعد الابتعاد عن الملاعب خلال الفترة الماضية.
وانضم حسني فتحي لنادي مصر المقاصة، وهو النادي الذي برز فيه نجمه بين صفوفه قبل الانضمام إلى نادي الزمالك عام 2017.
حسني فتحي ينضم لـ مصر المقاصة
وكتب حسني فتحي - عبر حسابه الرسمي على موقع التواصل الاجتماعي فيس بوك: بسم الله الرحمن الرحيم، يمكن أول مره أكتب حاجة من زمان جدا، وكل المقربين مني عارفين كويس إني مش متفاعل أوي على السوشيال ميديا، لكن حابب أوضح حاجة مهمة جدًا.
وأكمل: قرار عودتي للملاعب كان قرار صعب جدًا بالنسبالي غالبًا في كل قراراتي بفكر بعقلي أكتر إلا قرار رجوعي لبيتي ومكاني وعيلتي المقاصة ده كان قرار مينفعش فيه التفكير في ظل وجود الكابتن وليد هويدي في أي حاجة ده كفيل إني أكون موجود فيها بدون دراسة لأنه صاحب الفضل الأكبر عليا في حياتي بعد والدي رحمه الله عليه.
وتابع: عودتي للملاعب جت بعد فترة كبيرة جدًا كنت مقرر من خلالها إني مش هلعب كرة تاني مهما حصل نظرًا للإصابات الأخيرة اللي مريت بيها لكن الحمد لله أنا عندي إرادة وعزيمة كبيرة إني أرجع تاني وأحاول أعمل حاجة مع النادي اللي اتربيت فيه وتاريخي كله من خلاله.
وواصل: حابب أشكر كابتن طارق حجاج المدير الفني أخويا وكابتني اللي كان ليه دور وتأثير كبير في قرار عودتي للملاعب.
وأتم تصريحاته قائلا: الطموح الموسم ده مختلف والمهام مختلفة أكبر من إني أكون لاعب كرة لكن إن شاء الله كلنا مع بعض في المنظومة الكبيرة نقدر نتعب ونرجع النادي لمكانه الطبيعي، إن شاء الله المقاصة في الممتاز.
