سروجي عن واقعة قطع يديه في البساتين: استنجدت بالناس علشان ينقذوني من أخوات طليقتي كانوا هيموتوني| خاص
كشفت التحقيقات في واقعة تمزيق كفي سروجي على يد 3 أشخاص، من بينهم شقيقا طليقته، بسبب خلافات أسرية بينهم، حيث اقتحم المتهمون ورشة المجني عليه، واعتدوا عليه بالأسلحة البيضاء حتى مزقا كفيه، بدائرة قسم شرطة البساتين.
3 أشخاص يقطعون يدي سروجي بسبب خلافات أسرية
وأدلى المجني عليه، بأقواله أمام جهات التحقيق بعد تمزيق كفيه على يد 3 أشخاص، قائلًا: اسمي أمير علاء الدين، وشغال سروجي، واللي حصل إني كنت قاعد في ورشتي الساعة 1 ونص بالليل وقف قدامي متوسيكلين نزل منهم 3 أفراد ومعاهم كزالك وراحوا ضاربين فيا وبعد كدا جريت على ورشة جمبي واستجندت بالراجل اللي جواها وقولتله إلحقني يا كريم إيديا الاتنين مقطوعين.
وأضاف المجني عليه في التحقيقت التي حصل عليها الـقاهرة 24: بعدها راح خدني بتوكتوك وروحنا مستشفى أحمد ماهر، واترفضت هناك وحولوني على مستشفى القصر العيني واترفضت برضو وبعد كدة جابوني على مستشفى الهلال الأحمر، فأنا خوفت أروحها علشان ميكونش فيها تمريض كويس.
وأردف شاب البساتين: روحت بعدها على مستشفى خاص وعملولي عملية توصيل أوتار إيدي اليمين وأسلاك معدنية لتثبيت كف اليد اليمنى، وتوصيل أوتار في إيدي الشمال وجات النجدة استجوبتني وأنا هناك وبصمت بصباع رجلي الشمال وهو ده كل اللي حصل.
كما تضمنت أقوال المجني عليه ردًا على أسئلة جهات التحقيق كما يأتي:
س: من الأشخاص الذين تعدوا عليك بسلاح أبيض -كذلك- وكم عددهم؟
ج: ا. ف و-م. ف- أخوات طليقتي، وم.أ وشهرته -الشبل- وده صاحبهم.
س: ما سبب تعدي سائقي الذكر عليك وإحداث أصابتك؟
ج: أنا معرفش هما عملو كده ليه.
س: وهل هناك علاقة بينك وبين سالفي الذكر؟
ج: كان فيه علاقة أن أمير ومحمد كانوا أخوات طليقتي وحاليا مفيش علاقة بيني وبينهم.
س: وهل هناك خلافات فيما بينك وبين سالفي الذكر؟
ج مفيش أي خلافات بیني وبین اللي ضربوني.
