داليا مصطفى بختام مهرجان الجونة السينمائي: أتمنى عرض أفلام عن التنمر.. ودلوقتي كل الأبطال رجالة
كشفت الفنانة داليا مصطفى، تفاصيل مسلسلها الجديد روج أسود، بجانب الحديث عن حضورها فعاليات الدورة السابعة من مهرجان الجونة السينمائي، بالإضافة للكشف عن أمنيتها بعودة البطولات النسائية في السينما.
وقالت داليا مصطفى، في لقائها على هامش حضورها حفل ختام مهرجان الجونة السينمائي بدورته السابعة: انبسطت جدًا في ندوة ناهد نصر الله في مهرجان الجونة، استفدت من تجربتها والندوة كانت أكتر من رائعة.
وأضافت داليا مصطفى: ونفسي أقول رسالة أننا نعمل أفلام خاصة بالتنمر، التنمر دلوقتي بقى صعب جدًا وللأسف في المدارس مبقاش فيها تعليم عن التنمر، إحنا مفتقدين ده ولو اهتمينا بيها هتفرق كتير، وأتمنى المهرجانات تضيف أفلام أكتر من قضايا أكتر، دلوقتي الأفلام اللي بتتكلم عن الستات قليلة ولكن كل الأبطال رجالة، عايزين نرجع زي زمان، والناس لو شافت أفلام المهرجانات هيكون عندها وعي أكتر لأنها بتناقش قضية.
وكشفت داليا مصطفى عن تفاصيل مسلسل روج أسود، قائلة: بحضر مسلسل روج أسود مع رانيا يوسف وبيتكلم عن مجموعة من الستات بيتقابلوا في محكمة الأسرة، قضايا طلاق وكل واحدة ليها قصة مختلفة، وللأسف الأعمال السينمائية دلوقتي مقلة.
جيهان الشماشرجي: حبيت وجود الأفلام الفلسطينية في مهرجان الجونة
كما أعربت الفنانة جيهان الشماشرجي، عن سعادتها بمشاهدة الأفلام الفلسطينية في مهرجان الجونة السينمائي، قائلة: اتبسطت أوي في المهرجان السنة دي وكان فيه فعاليات كتير وحبيت وجود الأفلام الفلسطينية وصناع الأفلام الفلسطينية.
وعن مشاركتها في فيلم الهوى سلطان، فعلقت جيهان الشماشرجي: متحمسة أوي لـ فيلم الهوى سلطان وحاسة أنه قريب مني ومن قصص شفتها في حياتي، هينزل 6 نوفمبر ودوري لذيذ وأنا متوقعة كل خير.
