هند صبري: أصحابي كانوا بيتريقوا عليا في المدرسة علشان مثلت
تحدثت الفنانة هند صبري، عن بداياتها الفنية، حيث أكدت أنها كانت لا ترغب في دخول مجال الفن من البداية، وأن المخرجة إيناس الدغيدي هي من رشحتها للعمل في مجال السينما.
هند صبري: عمري ما كنت عايزة أبقى ممثلة
وقالت هند صبري حلال ندوتها المقامة حاليًا بمهرجان الجونة السينمائي: محظوظة إني اتحطيت في السينما وأنا صغيرة، وعمري ما كنت عايزة أبقى ممثلة، كنت عايزة أطلع سفيرة، وكنت دحيحة وشاطرة جدا في الدراسة، ولما جيت مصر بالصدفة اشتغلت سينما، لما قابلت إيناس الدغيدي.
وأضافت هند صبري: بعد ما اشتغلت في أول فيلم قررت مشتغلش ثاني ممثلة، عشان اتوجعت لأني كنت متعودة أشوف كاست العمل كل يوم، وفجأة التصوير خلص ومبقتش أشوفهم، لحد ما المخرجة مفيدة رجعتلي تاني بعمل وأقنعتني أشتغل.
وأوضحت هند صبري: أهلي شجعوني وكانوا عايزيني أمثل، وأنا اللي مكنتش عايزة، لأن صحابي في المدرسة كانوا بيتريقوا عليا، وأنا مكنتش عايزة دا يحصل، ولما بشتغل مع فنانات شابات بفتكر الأيام دي.
أعمال هند صبري
وكان آخر أعمالها في السينما فيلم فضل ونعمة، تأليف أيمن وتار وإخراج رامي إمام، وشاركها البطولة ماجد الكدواني، ودارت الأحداث في إطار اجتماعي كوميدي، وشارك فيه محمود حافظ، محمد رضوان، ياسمينا العبد، شريف دسوقي، طه دسوقي وغيرهم.
وعلى الجانب الدرامي عُرض لـ هند صبري مؤخرًا مسلسل البحث عن علا 2، وحقق العمل نجاحًا كبيرًا وقت عرضه، وتعود علا عبد الصبور، في مغامرة جديدة رفقة عائلتها في الموسم الثاني من القصة، حيث تجد نفسها مضطرة للعمل مع كريم ابن مورد منتجات شركتها، وبالرغم من نشوب مشاكل بينهما في بدء الأمر إلا أن علاقتهما تتطور ويتقرب منها كريم، وفي ذات الوقت تحاول ابنتها لفت نظرها للاهتمام بها خاصة بعد أن أصبحت في سن خطير.
