إسعاد يونس: سهير البابلي لها الفضل عليا علشان قبلت تشتغل معايا.. والعمل في رمضان مرهق
تحدثت الإعلامية إسعاد يونس، عن كواليس علاقتها بالفنانة سهير البابلي، في مسلسل بكيزة وزغلول، قائلة: سهير كان ليها فضل كبير عليا لأنها قبلت تشتغل معايا في مسلسل بكيزة وزغلول، ونجاح العمل كان مفاجأة لينا كلنا وكنا بناخد ردود الفعل من الجمهور في الشارع وحسينا بنجاحه بعد 3 حلقات وشوفنا نجاحه من الشارع.
وأضافت إسعاد يونس، خلال ندوتها المقامة ضمن فعاليات مهرجان الجونة السينمائي: في بدايتي كان نفسي أثبت إني شاطرة وأي ممثل اشتغلت معاه ليه فضل عليا زي الزعيم عادل إمام وسمير غانم.
إسعاد يونس: شغل رمضان بيكون مرهق
وعن طبيعة عمل الفنانين في رمضان، قالت: شغل رمضان مرهق وصورنا الأفوكاتوا في رمضان وكنا بنموت ولكن أنا مبقدرش أتعامل مع شغل رمضان.
ومن جانبها، وجهت الفنانة يسرا رسالة خاصة إلى إسعاد يونس قائلة: في بيني وبين إسعاد ضحك ونكت وهي مش من النوع اللي بتيجي في أي ندوة وبتتخض من الندوات ولكن مرفضتش دعوتي وأنا بشكرها لأنها جت وعملت لينا حدث، لترد الأخيرة قائلة: كل الحب والاحترام لمهرجان الجونة وأنا مقدرتش أتأخر عن الدعوة ثانية.
