علي ربيع: المخرج حسين محمود قالي أقعد جمب أمك علشان اعترضت على دوري في مسرحية
حل الفنان علي ربيع ضيفًا في إحدى برامج البودكاست، وخلال وجوده تحدث عن العديد من الأمور عن بداياته الفنية في المسرح مشيرًا لـ بعض المواقف التي تعرض لها وأحدثت فارق في مسيرته الفنية أيضًا.
أبرز تصريحات علي ربيع
-بحب ألعب تنس وحبيته صدفة بسبب إن صحابي شجعوني على لعبه فحبيته وبقيت بغلبهم كلهم.
-مش بحب أتكلم كتير وأظهر قدام الكاميرا وبفضل الهزار أكتر.
-قعدت فترة الجامعة أمثل من حب الناس ورد الفعل ولو لقيت الناس مش مبسوطة مش همثل تاني ومثلت عشان الناس شجعتني.
-بخرج الإفيه بطريقة صامتة بسبب أن المخرج حسين محمود قعدني وعملي محاضرة وقالي عارف سبب إن الناس ضحكتلك امبارح والنهاردة لا عشان انت مش عارف تضحكهم ازاي ومعرفتش تبقى طبيعي ونصحني أكون طبيعي وبقيت بقول الإيفيه وأنا مصدقه.
-أسعد يوم في حياتي لما منتخب الجامعة اختاروني لجايزة تمثيل لأن كان معايا أساطير وبدايتي كانت أني بقدم الافتتاح بطريقة كوميدية.
-خدت دور صغير في مسرحية وبعد ما قرأت شهر دور البطولة في المسرح وروحت قولت خلاص مش هكمل والمخرج حسين محمود قالي خليك جمب أمك فنرفزني ونزلت جري روحت المسرح وفوقني بطريقة عكسية والدور حصل على إشادات كبيرة جدًا.
آخر أعمال علي ربيع
وعرض لـ علي ربيع مؤخرًا في السينمات فيلم ع الماشي، والذي دارت قصته حول شاب مصاب بمرض، يجعله مضطرًا للمشي دائمًا، ويقدم علي ربيع فيه شخصية هادي الموظف الكسول، الذي تنقلب حياته ليعيش مغامرات من الكوميديا والتحدي.
أبطال فيلم ع الماشي
وشارك في فيلم عـ الماشي عدد من الفنانين ومن بينهم: كريم عفيفي، صلاح عبد الله، آية سماحة، انتصار، محمد رضوان، عبد الله مشرف، ريم رأفت، مصطفى غريب، أحمد فهيم، مصطفى بسيط، ألفت عمر وهو من تأليف أحمد عبد الوهاب، وإخراج محمد الخبيري.
