والد إحدى التلميذات المعتدى عليهن بمدرسة أحمد زويل: بنتي قالتلي المدرس بيتحرش بيهم| خاص
يستكمل القاهرة 24، نشر التحقيقات في واقعة تحرش مدرس بمجموعة من التلميذات في المرحلة الابتدائية، عن طريق ملامسة أجزاء من أجسادهن داخل مدرسة أحمد زويل بمنطقة العمرانية.
أقوال والد إحدى التلميذات المعتدى عليهن داخل مدرسة أحمد زويل
وحصل القاهرة 24، على أقوال والد تلميذة مِمَن تعرضن للتحرش من المدرس، وجاءت أقواله كالتالي: اللي حصل إن في واحده من أولياء الأمور قالت لزوجتي إن في مدرس في المدرسة بيعمل حاجات مش كويسة مع بنتها وبيحطها على رجله وبيحط إيده في مناطق حساسة، وبعدها أنا جبت بنتي وسالتها قالتلي إن المدرس بيقعدني على رجله، وسالتها هو بيعمل إيه تاني؟ قالتلي بيحط إيده على مناطق حساسة في جسمي، وتاني يوم روحت المدرسة ودخلت لمدير المدرسة وبلغني إن هو فصل المدرس ده من المدرسة وبعدها عملت محضر في قسم العمرانية، والنهاردة جيت على هنا هو ده كل اللي حصل.
س: متى وأين حدث ذلك تحديدا؟
ج: أنا عرفت يوم الأحد الموافق يوم 29 سبتمبر الماضي الساعة 2 مساءً، وروحت المدرسة يوم الاثنين الموافق 30 سبتمبر الماضي الساعة 11 صباحا بناحية شارع المستشفى بجوار قسم العمرانية بالجيزة، وروحت القسم بعد ما خلصت في المدرسة.
س: مَن كان برفقتك آنذاك؟
ج: زوجتي.
س: كيف نمى إلى علمك بحدوث الواقعة محل التحقيق؟
ج: عرفت من زوجتي علشان في واحدة من أولياء الأمور كانت بتتكلم معها، وقالتها إن في مدرس بالمدرسة بيعمل حاجات مش كويسة مع بنتها وبيحطها على رجله، وبيحط إيده في مناطق حساسة وبعدها جبت بنتي وسالتها، قالتلي إن المدرس بيقعدني على رجله، وسالتها هو بيعمل ايه تاني؟ قالتلي بيحط إيده على مناطق حساسة في جسمها.
س: ما التصرف الذي بدر منك آنذاك؟
ج: أنا تاني يوم روحت المدرسة والمدير قالي إن المدرس ده اتفصل، وبعده على طول روحت على القسم عشان أعمل محضر.
س: ما هي صلتك وعلاقتك بالمشكو في حقه؟
ج: أنا معرفوش؟! هو مدرس بنتي في المدرسة ومفيش بيني وبينه أي خلافات.
س: ما هو اسم المشكو في حقه تحديدًا؟
ج: محمد.ش.م.س.
س: وما هي الأفعال المادية التي اقترفها المشكو في حقه قبل بابنتك ؟
ج: قالتلي بيحط إيده على مناطق حساسة في جسمنا.
س: كيف علمت بذلك؟
ج: بنتي قالتلي.
س: وهل حاولت ابنتك درء التعدي أو الدفاع عن نفسها؟
ج: لا عشان هي صغيرة ومش فاهمة.
س: ما هو تحديدا مكان ارتكاب الواقعة؟
ج: في المدرسة.
س: ما هي بيانات المدرسة سالفة الذكر؟
ج: مدرسة أحمد زويل التجريبية.
س: ما هي علاقة ابنتك بالمشكو في حقه؟
ج: هو بيدرسلها ماده اللغة العربية.
س: وكم مرة تحديدا أتي المتهم بالأفعال المادية آنفة البيان تجاه ابنتك؟
ج: هي قالتلي مرة واحدة.
س: هل ثمة إكراه وقع تجاه ابنتك آنذاك؟
ج: لا.
س: وهل نتج من جراء ذلك ثمة إصابات ابنتك؟
ج: مفيش إصابات وهي كويسة الحمد لله.
س: وما هو قصد المتهم من ارتكاب تلك الواقعة تحديدا؟
ج: هو قصده هتك عرض بنتي والتحرش بيها.
س: وكيف وقفت على ذلك القصد؟
ج: من اللي بنتي حكتهولي.
س: وبما تتهم المتهم سالف الذكر؟
ج: اتهمه بهتك عرض بنتي والتحرش بيها.
