ثروت سويلم: اللي حصل في مباراة الزمالك وبيراميدز الدولة مش هتعديه.. وفيه عقوبات
حرص ثروت سويلم، عضو رابطة الأندية المصرية على التعليق بشأن أزمة ثلاثي الزمالك في الإمارات، وتحويل كل من عبد الواحد السيد مدير الكرة ومصطفى شلبي ونبيل عماد دونجا إلى المحاكمة.
تصريحات ثروت سويلم
وقال ثروت سويلم في تصريحات تليفزيونية: بعد اعتذار نادي الزمالك لازم نقفل الستار على الواقعة لـ عمق العلاقة بين مصر والإمارات، وأكيد مبررات الحدث مطلوب إن نتكلم فيها بسبب إن في كلام تحريف كتير.
وتابع: اللي حصل في مباراة الزمالك وبيراميدز الحمد لله إنه حصل بالطريقة دي، أفضل ما كان حصل في مباراة الأهلي والزمالك، وده اللي هيودي إن نهائي السوبر يبقى فيه التزام تام.
وواصل: كل الاعتذار للشعب الإماراتي، ويكفي إن قيادات الدولة كانت حريصة إنه يبقى فيه اعتذار للشعب الإماراتي.
وأكمل: إحنا أمام حدث الموضوع مش زمالك وبيراميدز، إحنا أمام موضوع أكبر من كده، الموضوع ده الدولة مش هتعديه وفي الوقت المناسب هتطلع فيه العقوبات.
الجدير بالذكر أنه تعرض ثلاثي الزمالك عبد الواحد السيد ومصطفي شلبي ونبيل عماد دونجا لـ أزمة عقب مباراة بيراميدز بعد تعديهم على أحد أفراد أمن التنظيم، وتم تحويل الثلاثي إلى المحاكمة.
