الحبس 3 سنوات للمتهمين في واقعة فبركة سحر مؤمن زكريا وكفالة 5 آلاف لإيقاف التنفيذ
قضت محكمة جنايات جنوب القاهرة، المنعقدة بمجمع محاكم زينهم بالسجن 3 سنوات للمتهمين بفبركة سحر مؤمن زكريا وكفالة 5 آلاف جنيه لإيقاف تنفيذ العقوبة لحين صدور حكم الاستئناف.
حبس المتهمين في واقعة فبركة سحر لمؤمن زكريا
وقال شقيق التربي في قضية فبركة سحر الكابتن مؤمن زكريا، إن دفاع المجني عليه مؤمن زكريا حضر اليوم أمام المحكمة، وطالب بدفع تعويض قدره 1001 ف جنيه.
وأشار شقيق التربي، إلى أن شقيقه كان يفعل عملا خيريا فقط، ويجري حفرة صغيرة بالتربة بهدف زراعة صبار بجوار قبر جده، مضيفًا: احنا كنا بنعمل عمل خير يحصل فينا كده؟.. المحامي طالب بدفع تعويض 1001 جنيه.
وأضاف: أخويا كان بيفحت في الأرض عشان يزرع صبارة على روح جدي ولقى العمل، واتصل بصاحبه عشان يجي ياخده ومطلبش منه فلوس ولا أي حاجة.
قال محامي مؤمن زكريا أنه ادعى مدنيًا بمبلغ مائة ألف، وطالب بتوقيع أقصى العقوبة على المتهمين في واقعة فبركة سحر اللاعب مؤمن زكريا والتشهير به على مواقع التواصل الاجتماعي واصطناع تريند مزيف.
وحصل القاهرة 24 على نص التحقيقات في واقعة فبركة السحر للاعب مؤمن زكريا، واستمعت جهات التحقيق لأقوال أحد المتهمين يدعى محمد.ع وجاءت كالآتي: يوم الأربعاء قبل اللي فات رحت أجيب مراتي من مقابر عيلتها في الإمام الشافعي بالخليفة، لقیت رمضان ابن خالها بيحفر عشان يطلع صبارة عند الترب، وهو بيفحت بالخشبة لقى كيس أسود فطلعه
وأضاف: قالي صور فيديو، ده عمل، وفتحت كاميرا موبايلي وصورت، ولقيت العمل عبارة عن لفتين ورق مربوطين بسلك وقماشة عليها رسمة العروسة ودبابيس وحاجات تانية ومكتوب عليها حاجات كتير، وصورة الكابتن مؤمن زكريا، ورمضان قالي تعالى نروح نجیب جرادل مياه عشان نبطل العمل، وجاب جردل مياه وملح وجردل تاني فيه مياه بس، قعد يقرأ عليه شوية قرآن وقالي صور فيديو وصورت فيديو وقفلت.
