عمرو أديب: الزمالك معندوش الجرأة يحكي اللي حصل من اللاعبين بالإمارات.. أنا زملكاوي وبقولكم إنتوا غلطانين
علق الإعلامي عمرو أديب، على بيان أحمد سالم المتحدث الرسمي لنادي الزمالك، والذي قال خلاله: إن هناك اجتماعا عاجلا الآن بين حسين لبيب رئيس النادي ومجلس الإدارة المتواجد في دولة الإمارات العربية المتحدة؛ بشأن مباراة نهائي السوبر المصري أمام الأهلي.
عمرو أديب: مفيش حد زملكاوي عنده الجرأة يحكي اللي حصل من اللاعبين في الإمارات
وقال عمرو أديب خلال برنامجه: معندكش الجرأة تحكي للناس إيه اللي حصل.. أين وزير الشباب والرياضة من اللي حصل؟
وتابع: في الإمارات مفيش هزار وملوش دعوة دا أهلي ولا زمالك.. يجب دفع التمن لو ثبت تعدي لاعبي الزمالك على المنظمين.
وأكمل: أنا زملكاوي وبقول لكابتن حسين لبيب لو إنتو غلطانين لازم تتعاقبوا بالقانون.. ومش حابين الصورة دي في بلد شقيق زي الإمارات.
وتابع عمرو أديب: مش جزء من اللعبة الاعتداء على المسؤولين.. لو عاوزين تنسحبوا انسحبوا بس دا مش حل ولا أنت كدا بتاخد قرار تربوي.
وواصل عمرو أديب: يجب معاقبة لاعبي الزمالك أو تسوية الأمور بطريقة أو بأخرى إذا أخطأوا، ولا يجب أن يتم حل الأمور بطريقة لي الذراع يا كابتن حسين.
وأكمل: في حد بيعمل نكاية في الزمالك عشان ميلعبش مباراة الخميس والإماراتية ميعملوش كده.. وإذا أراد الزمالك الانسحاب فلينسحب لكنه ليس الحل الصحيح أو الرياضي أو التربوي.
