بحضور والدة السائق.. بدء ثاني جلسات محاكمة المتهمين في حادث معدية أبو غالب
بدأت محكمة شمال الجيزة، اليوم الاثنين، أولى جلسات محاكمة المتهمين في حادث ميكروباص معدية أبو غالب بمنشأة القناطر.
بدء ثاني جلسات محاكمة المتهمين في حادث معدية أبو غالب
ووصلت منذ قليل، إلى محكمة شمال الجيزة، والدة سائق ميكروباص معدية أبو غالب لمساندته في ثاني جلسات محاكمته.
كما وصل منذ قليل، إلى محكمة شمال الجيزة، المتهمين في حادث ميكروباص معدية أبو غالب بمنشأة القناطر.
وحصل القاهرة 24 على التحقيقات في قضية غرق معدية أبو غالب، والتي توفي فيها 16 فتاة وسيدة، وجاءت أقوال سائق الميكروباص كالآتي:
اسمي محمد خالد عبد الجواد علي 22 سنة، أعمل سائق، واللي حصل إن أنا كنت سابق عربيتي الميكروباص ومحمل عليها 26 بنت من العمالة، وواخدهم من المنوفية ورايح بيهم يشتغلوا في محطة تعبئة وتصدير فواكه، بمطلع الثروة الخضراء قرية أبو غالب، وأنا معدي بالعربية من على معدية محطة أبو غالب والبنات راكبين في العربية كان في شباب في المعدية بيعاكسوهم من شباك العربية، وهما معديين من جنبنا فأنا نزلتلهم من العربية علشان أرد عليهم وأعاتبهم وعربيتي كانت آخر عربية في الصف وأقرب عربية للمياه.
وأضاف سائق معدية أبو غالب في التحقيقات: العيال دول قاموا مسكوا في هدومي وحصلت بينا مشادة والمعدية اتهزت قامت العربية اتحركت من مكانها، وريحت واحدة واحدة، لحد ما وقعت في البحر وأنا حاولت أجري وراها ألحقها بس معرفتش لحد ما وقعت بحالها والبنات غرقوا وأنا بعد الحادثة فضلت واقف في مكاني وأشوف مين اللي طلع ومين اللي مطلعش ومرضتش أتحرك من مكاني، لحد ما الحكومة نزلت المكان وسألوني هو أنت سواق الميكروباص قلتلهم أيوه، وخدوا مني البطاقة وقالولي استني معانا شوية وفضلت واقف معاهم هناك وبعدها خدوني المركز وقعدت هناك شوية وبعدين عملولنا محضر وجابونا النيابة وده كل اللي حصل.
