حازم إيهاب: أتمنى عودة برنامج SNL بالعربي.. والهجوم عليه بسبب الإيحاءات غير منطقي زي منع المهرجانات
تحدث الفنان حازم إيهاب، عن وقف عرض برنامج SNL بالعربي، بجانب تعليقه على الهجوم الذي طال البرنامج بسبب الإيحاءات الجنسية خلال الحلقات.
وقال حازم إيهاب، في لقائه مع القاهرة 24: زعلت لما برنامج SNL بالعربي وقف، وأتمنى لغاية اللحظة دي أنه يرجع، والمنتج طارق الجنايني هو اللي عنده معلومة البرنامج هيرجع إمتى.
أما عن الهجوم على البرنامج بسبب الإيحاءات الجنسية خلال الحلقات، فعلق حازم إيهاب: الهجوم غير منطقي زي منع المهرجانات، اللي مش عايز أهل بيته يتفرجوا على حاجة أو ميسمعوش حاجة يتحكم فيهم، لكن متقولش أني بعلمك الإسفاف، طيب البرنامج وقف أخبار الحياة الفظيعة إيه؟.
وواصل حازم إيهاب: ده واقع وأنا بهزر معاك الهزار اللي الشباب بيهزروه، وقولنا في بداية البرنامج أن اللي أقل من 18 سنة ميتفرجش، يجي حد يقول أن ابنه أقل من 18 سنة بيتفرج؟، طب اتحكم في بيتك.
برنامج SNL بالعربي
ويذكر أن برنامج SNL بالعربي حقق نجاحًا كبيرًا خلال المواسم الثلاثة وشارك في تقديمه عدد من الشباب منهم إسلام إبراهيم ومحمود الليثي وأحمد سلطان ونانسي صلاح وخالد منصور ونور قدري.
آخر أعمال حازم إيهاب
وعلى جانب آخر، ينتظر الفنان حازم إيهاب، عرض أجدد أعماله الدرامية خلال الفترة المقبلة، وهو مسلسل باسورد، والذي يشاركه في بطولته الفنانة آية سماحة.
