بعد اعتزالها السوشيال ميديا.. سوزي الأردنية تعود مرة أخرى: ادعولي عشان الفترة الجاية هأذي نفسي

ظهرت البلوجر  سوزي الأردنية مرة أخرى على صفحة التيك توك الخاصة بها، لأول مرة بعد أزمتها الأخيرة بجانب وعكتها الصحية وقرارها اعتزال السوشيال ميديا، حيث نشرت مقطع فيديو تبكي فيه وتروي تفاصيل حالتها النفسية.

سوزي الأردنية تعود مرة أخرى بعد اعتزالها السوشيال ميديا

وقالت سوزي الأردنية في مقطع الفيديو: أنا نفسيتي تعبانة، حاولت أخرج وأبعد نفسي شوية وأفصل وأعمل أي حاجة ممكن تتخيلوا إنها تتعمل، وأذوق نفسي وأعمل شعري وأفك وألبس، لكن المظاهر دي مخلتنيش حتى اتخدع في نفسي، أنا كل يوم من العياط عيني ووشي شكلهم مش طبيعي.

وأضافت: الشخصية اللي انتوا شايفينها قدامكم دي هي الشخصية بتاعت امبارح والنهاردة وبكره وبعده، وعايزاكوا تدعولي لأني الفترة الجاية هأذي نفسي، حتى لو حوالي مليون حد جنبي، أنا كل تفكيري إني هأذي نفسي.

وتابعت: أنا مش فاهمة اللي حصل معايا دا كان ليه يعني، ولا أنا علشان ما عنديش أخ ولا أب يجبلي حقي من أي حد مضايقني، المحامي اللي عمل فيا محضر ده، ساب كل حاجة بتحصل وجت عليا أنا، أنا كنت طفلة عندي 17 سنة، أنا راضية بحكم ربنا، لكن هو أنا لما اتحبس هبقى أحسن؟