مها الصغير: صعب المرأة تحب نفسها.. ولازم نهتم بالصحة النفسية
تحدثت الإعلامية مها الصغير، عن أهمية العامل النفسي في حياة المرأة، موجهة رسالة للسيدات بالعمل على تحسين الاهتمام بصحتهن النفسية.
وقالت مها الصغير، في لقائها مع القاهرة 24: رسالتي للمرأة بشكل عام أنها تاخد بالها من نفسها وتهتم بصحتها وتشتغل على نفسها، إحنا بنسمع كتير كلمة حبي نفسك ولكن الموضوع ده صعب أوي، وعلشان تحبي نفسك محتاجة تدريب.
وأضافت مها الصغير في رسالتها للمرأة: أهم حاجة أن المرأة تهتم بصحتها النفسية وتقرب من ربنا على قد ما تقدر.
مها الصغير: اتعرضت للتنمر علشان بابا كوافير
وعلى جانب آخر، سبق وكشفت الإعلامية مها الصغير،عن تعرضها للتنمر في صِغرها بسبب مهنة والدها الراحل وهي مصفف الشعر الشهير محمد الصغير، وقالت مها الصغير في تصريحات تليفزيونية: كنت بتعرض للتنمر وأنا صغيرة بسبب أن بابا كوافير، وبنصح الأطفال والمراهقين أنهم يتكلموا لو تعرضوا للتنمر، يحكوا لحد يساعدهم علشان التجربة متأثرش بالسلب وتعمل صدمة نفسية.
وواصلت مها الصغير: مؤخرًا في علاقات كتير بتفشل فشل ذريع وحالات الطلاق بنسبة عالية جدًا، وفي عدم مسؤولية من ناحية الرجالة والستات، فأكيد الإعلام دايمًا بيشوف اللي بيحصل في الحياة الاجتماعية ونقول كلام يفيد الناس.
