زعلي هيموتني قريب.. البلوجر سوزي الأردنية تمر بوعكة صحية بعد أزمتها الأخيرة

تمر البلوجر سوزي الأردنية بوعكة صحية خطيرة، منذ أزمتها الأخيرة المتعلقة بصدور حكم عليها بالحبس سنتين وغرامة 300 ألف، بسبب اتهامها بسب والدها على الهواء بألفاظ خادشة للحياء العام.

البلوجر سوزي الأردنية تمر بوعكة صحية خطيرة

ونشر حساب سوزي الأردنية على تيك توك، صورا للبلوجر بالمستشفى، خلال تلقيها المحاليل الطبية، معلقا: ده حالنا كل يوم.. ادعوا لها ربنا يهديها ويخفف عنها وتبقى بخير.

كما شارك البلوجر مونلي، أحد أصدقاء سوزي الأردنية على السوشيال ميديا، الذي ظهر معها بالفيديوهات الخاصة بها خلال الفترة الأخيرة، مقطع صوتي للبلوجر، تبكي فيه قائلة: نفسيتي تعبانة، وكل شوية في المستشفى، وكله تعبان معايا، أصحابي وأهلي وأنت وكله.

كما كان يتضمن آخر منشور للبلوجر سوزي الأردنية، تفاصيل حالتها النفسية والصحية، فتقول: يا رب أنا تعبانة أوي من كل اللي حصلي وبيحصلي، نفسيتي عمرها ما هترجع تاني زي الأول، ولا هعرف أفرح من قلبي، كل حاجة حلوة راحت في ثانية.

ثم أضافت: الهم والحزن مسكوا فيا من بدري، مع إن عمري ما كنت شخص وحش مع حد، لو حصلي حاجة في يوم مش هسامح على الضغط النفسي اللي أنا فيه، حزني وزعلي على كل اللي راح مني هيموتني قريب أوي.

وواصلت: أنا أصغر من اللي أنا فيه دا كله بجد، معملتش حاجة كبيرة أوى كدا عشان يبقى رد الفعل كدة، أنا اتكسرت كسره مش طبيعية بجد.