أخصائية علاقات أسرية وعاطفية: مصطلح I can fix him غير صحيح ومحدش طباعه بتتغير
أوضحت الدكتورة سلوى عمر، أخصائية العلاقات الأسرية والعاطفية، أن مصطلح I can fix him، الشائع خلال الفترة الحالية عبر البنات، غير صحيح من الصعب تحقيقه، وخاصة أنه ليس من السهل تعديل شخصية الطرف الآخر وصفاتها.
مصطلح I can fix him
وقالت الدكتورة سلوى عمر، أخصائي العلاقات الأسرية والعاطفية، في تصريحات خاصة لـ القاهرة 24، مصطلح I can fix him مش مقنع، ولكن البنات اللي بتقول كده بنخليهم يسألوا نفسهم إزاي يقدروا يصلحوا ويعدلوا في شخصية الطرف التاني، وفي بنات كتير عندها اعتقاد بأنها تقدر تصلح عيوب الشريك، لكن لو هو طباعه صعبة يعني لو حد خاين أو لديه عيب جوهري، أو متعدد العلاقات، فـ هنا الأمر مش طبيعي.
وأردفت الدكتورة سلوى عمر: أنه من الصعب تعديل شخصية الشريك، وخاصة في حالة وجود طرف بيقدم كل شيء والطرف التاني هو اللي بياخد فقط، وبالتالي لا يمكن تعديل سلوكيات وصفات الطرف الآخر، ومن الممكن أن الشريك الخاين يتحول لـ كذاب.
وأضافت الدكتورة سلوى عمر، أخصائي العلاقات الأسرية والعاطفية، الجمل المورثة دمرت نفسية أجيال من النساء، ومنها استحملي عشان المركب تمشي، ولكن ده بيأثر على حالتها النفسية والعصبية، ومازال هناك نساء تتعرض للعنف والضرب من الشريك، والأهل بيكونوا سبب في الإصابة بالتروما، لإنهم يجبروها على استكمال حياتها مع نفس الطرف المؤدي، والأمر يصبح صعب على الزوجة وخاصة مع وجود أطفال.
