مؤمن زكريا: قالولي معمولك عمل تعالى بسرعة المقابر.. استغلوا مرضي عشان ينصبوا عليا| انفراد
اصطنع المتهمون أكذوبة أعمال السحر للاعب السابق مؤمن زكريا ودفنوها بإحدى المقابر، ثم أبلغوا أحد أقارب زوجته بعثورهم على تلك الأعمال وأطلعوه عليها، الأمر الذي جعل مؤمن زكريا يتوجه إليهم في المقابر لكنه اكتشف أن المتهمين استغلوا مرضه لتحقيق مكاسب مالية عبر اصطناع تريند مزيف.
أقوال مؤمن زكريا في التحقيقات
حصل القاهرة 24 على نص التحقيقات في واقعة فبركة السحر للاعب السابق مؤمن زكريا.
استمعت جهات التحقيق لأقوال مؤمن زكريا، والتي وجاءت كالآتي: اللي حصل أن لقيت واحد قريب زوجتي اسمه مصطفى، كلمها وقالها إن فيه واحد جارهم اسمه محمد إمام، قاله فيه ناس لقوا عمل معمول لمؤمن في المقابر عشان كان العمل معمول عليه صور بتاعتي وكمان كان فيه عروسة مربوطة من إيديها ورجليها ودبابيس وكان عليهم طلاسم.
سحر مؤمن زكريا المزيف
وأضاف مؤمن زكريا في التحقيقات: قالولي تعالى المقابر عشان تشوف العمل، ولما وصلت قابلت الناس اللي اتمسكوا وكان معاهم واحد هرب وهناك وروني الحاجة في مياه بملح والورق كان دايب في المياه، وكان فيه صورتين واحدة كبيرة وواحدة صغيرة عليها طلاسم، وكان فيه عروسة مرتبطة من إيديها وكان مكتوب عليها طلاسم والورق كان محطوط في المياه ودايب.
وأوضح مؤمن زكريا في تحقيقات السحر المزيف: بعد كده أخدنا العروسة وبقيت الورق، وهناك كان فيه واحد بيصور الموضوع من وقت ما دخلت المقابر واستأذته إنه ميصورش ويمسح الصور دي ومحدش ينزل حاجة ولا ينشر حاجة، وبعد كده فوجئت بتداول الصور على مواقع التواصل الاجتماعي ونشر أخبار خلال وجودي بالمقابر.
