مغني المهرجانات المعتزل فارس حميدة عن خطوبته: كان همي يكون فرح إسلامي.. ومنرتكبش أي مخالفة شرعية
كشف الفنان المعتزل فارس حميدة تفاصيل حفل خطوبته، وارتباطه بـ فتاة منتقبة، حيث أشار إلى أنه حرص على أن يكون الحفل قائمًا على الأغاني الإسلامية، بجانب الابتعاد التام عن أغاني المهرجانات وغيرها، مؤكدا أنه رغب في أن يكون نموذجًا للشباب ويدعوهم للاستعانة بالأغاني الإسلامية في مناسباتهم الخاصة، وعدم ارتكاب معاصٍ في مثل هذا اليوم المميز.
وكتب فارس منشورًا، عبر حسابه الشخصي بموقع التواصل الاجتماعي فيس بوك، قال فيه: هحكيلكم حكاية جميلة جدًا.. لما روحت اتقدمت لخطيبتي وربنا يسر وجه وقت هنعمل إي في الشبكة، كان كل همي أنا وهي منرتكبش أي مخالفة شرعية.. هي من جانب لبسها، وأنا من جانب الوضع اللي هيحصل خصوصًا، إن عائلتي وعائلتها يمكن أول مرة يحضروا حاجة اسمها فرح إسلامي، كتير من الأهالي عارفين إن الفرح يعني أغاني ورقص وهيصة، وكان همي أنا وهي ندعوا صحابها اللي مش محجبات حجاب شرعي، وأنا أجمع صحابي وقالت لي اتحايل على الشيخ علشان يقول كلمة في الفرح عسى إن واحدة من صحباتي تقتنع بالحجاب الشرعي، وأنا من الناحية التانية ملجم صحابي، مفيش أغاني مفيش رقص، هنلم الدنيا في هدوء، مش هنعمل حاجة حرام، واجتهدت في ذلك الحمد لله.
وتابع فارس: كل الموضوع يا سيدي إن أنا وهي كان نفسنا نكون مثال عملي لأهلنا وصحابنا، إن الالتزام مش خنقة ولا عدم فرحة، كان نفسنا نقول لأهلنا واصحابنا إن ده الصح ودا الطبيعي مش الحرام هو الصح والطبيعي، الصورة اللي نزلتها أنا بقول لكل واحد انتقد وقال مينفعش جزاك الله كل خير وأنت صح، لكن قصاد المخالفة البسيطة دي ربنا أراد من صورة نوصل رسالة لكل الشباب أقل ما فيها، أقل ما فيهاما الأفراح الإسلامية عسل أهي، "بص قاعد بعيد عنها ازاي الله بجد" وغيره وغيره، وأخيرًا جزاكم الله خيرًا وبارك فيكم جميعًا.
