صبحي كابر يتهم شركة بالنصب عليه في 125 مليون جنيه
تقدم صبحي كابر صاحب مطعم صبحي كابر الشهير في روض الفرج، ببلاغ ضد إحدى الشركات متهما إياها بالنصب عليه في مبلغ 125 مليون جنيه، بسبب صفقة تجارية.
وذكر صبحي كابر في بلاغه، أنه تعرض لعملية نصب من قبل الشركة، مشيرا إلى أن جهات التحقيق استمعت لأقواله في واقعة النصب التي تعرض لها، وباع محليه الشهير بسببها.
وكشف صبحي كابر تفاصيل تعرضه للنصب ما اضطره لبيع المطعم، مؤكدًا انتهاء الأزمة وافتتاحه لـ مطعم جديد قريبًا.
أزمة بيع مطعم صبحي كابر
وقال كابر في تصريحات خاصة لـ القاهرة 24، إنه تعرض لواقعة نصب كبيرة، وكانت في صفقة ذرة، الأمر الذي تسبب في تعثره ماليًا، ولم يجد أمامه سوى بيع المطعم، مشيرًا إلى أنه باع المحل فقط وليس “براند صبحي كابر”.
وأضاف: أنا اتذليت قوي، والناس اللي بعتلهم المحل خلوني كومبارس عندهم، وأعمل ليهم فيديوهات.. وصفحة الفيس بوك والمزارع وبراند الاسم كله ده لسة بتاعي، اللي اتباع بس هو المحل، وقريب هرجع أقوى من الأول زي ما بدأت على باب الله، وأنا بطمن الناس عليا.
واختتم صاحب مطعم صبحي كابر تصريحاته: أنا موجود وعندي كل حاجة، والمحل بعته بحوالي 150 مليون جنيه علشان أسدد الفلوس اللي عليا، والمزارع بتاعتي والفاكهة والخضروات وكل حاجة لسة معايا، وبجهز عشان افتتاح المطعم الجديد وأبدأ تاني من الأول بعد الاختبار اللي اتعرضتله.
