آية سماحة: خايفة من فكرة الإنجاب.. والخلفة مسؤولية مش أي حد مؤهل ليها
تحدثت الفنانة آية سماحة، عن سبب عدم رغبتها في الإنجاب خلال الفترة الحالية، موضحة أنها تركز حاليًا على مشوارها الفني فقط.
وقالت آية سماحة، في لقائها مع الإعلامية إنجي علي، في برنامجها أسرار النجوم، المذاع عبر محطة نجوم FM: طلع عليا شائعة إني حامل، ولكن ده كان زيادة وزن لأني اتعشيت عشاء تقيل، وأنا مبفكرش في الإنجاب دلوقتي، بخاف جدًا دي مسؤولية مش أي حد مؤهل ليها خالص، ممكن أجي الحياة وأمشي منها وأنا مخلتفش وده مش تقصير مني ولا نقصني حاجة، هي فكرة كل واحد قادر يعمل ده ولا لأ، وأنا دلوقتي حاسة أن لأ مش هقدر.
وتابعت آية سماحة: لازم أبقى واقفة على أرض صلبة والبني آدم اللي هخلفه ده هديله إيه وهل أنا مبسوطة ولا لأ وهو هيبقى تمام ولا لأ، وعلشان دي أسئلة مش عارفة أجاوب عليها دلوقتي فقولت مش هخلف دلوقتي، وأنا مدية الشغلانة كتير أوي فمش عارفة أجي على حاجة علشان حاجة، ولكن كل حاجة ليها وقتها وأكيد ربنا مرتبها.
أعمال آية سماحة
وعلى جانب آخر، حققت آية سماحة مؤخرًا نجاحًا كبيرًا في مسلسل عمر أفندي، وشارك في بطولة العمل كل من: الفنان أحمد حاتم، محمد رضوان، محمود حافظ، مصطفى أبو سريع، والعمل من إخراج عبد الرحمن أبو غزالة، وهو من تأليف مصطفى حمدي.
