الملحن إيهاب عبد الواحد: أغنية أنا بابا لـ بوسي ومسلم كانت لمسلسل إمبراطورية ميم
كشف الملحن إيهاب عبد الواحد، قصة أغنية أنا بابا الرسمية لفيلم إكس مراتي، بطولة الفنانة أمينة خليل وهشام ماجد، والتي غنتها الفنانة بوسي ومطرب المهرجانات الشعبية مسلم.
إيهاب عبد الواحد يكشف تفاصيل أغنية أنا بابا
وقال إيهاب عبد الواحد في تصريحات تليفزيونية: كنت صاحب فكرة أحط مسلم وبوسي مع بعض في الأغنية، وكنت شايف إنه هيطلع حاجة مختلفة، وأول ما سمعت بوسي الأغنية وافقت وقالت طبعًا، واقترحت عليهم نقول مرة كلمة أنا بابا ومرة تانية أنا ماما؛ لأن الشاعر مصطفى حدوتة كان كاتبها أنا بابا في الأول عشان مكنتش الأغنية لفيلم إكس مراتي.
وأضاف إيهاب عبد الواحد: كنا عاملين الأغنية لمسلسل إمبراطورية ميم لأن الفنان خالد النبوي كان ظاهر بشخصية الأب وكانت الأغنية "أنا بابا"، ولكن المخرج محمد سلامة والمنتج تامر مرتضى كان عندهم وجهة نظر إن ديه مش لغة المسلسل وقالوا مش حاسين إنها سكة المسلسل، وبعدين عملت أغنية إمبراطورية ميم للفنان مدحت صالح.
وأردف إيهاب عبد الوهاب: وفضلت الأغنية معانا لحد ما اتفرجت على فيلم إكس مراتي مع الفنان هشام ماجد وتايسون والمنتج سوكا وقولت أغنية أنا بابا هتبقى هنا؛ لأني شوفتها لغة الفيلم، وحبيت الأغنية تبقى العلاقة فيها زي أغنية يا سلام على حبي وحبك، والحمد لله قدرت أعمل الميكس ده ونجحت وكسرت الدنيا الحمد لله.
