أحمد عزمي: ابني كان بيحس بيا لما بيكون مش معايا فلوس

حل أحمد عزمي ضيفًا على برنامج صاحبة السعادة الذي تقدمه الإعلامية إسعاد يونس، والذي كشف من خلاله عن تعاقده على عمل جديد في رمضان 2025 وعن لقائه مع عمرو الفقي.

أحمد عزمي ابني كان بيحس بيا لما بيكون مش معايا فلوس

وقال أحمد عزمي: المستشار الإعلامي للشركة المتحدة كلمني وقالي أنت عندك معاد مع الرئيس التنفيذي للشركة المتحدة يوم الحد، وأول ما قالي كدا عيني دمعت كتير، وبعدها قالي سامعني رديت عليه الحمدلله وحسيت بسعادة كبيرة أوي ولما قابلت عمرو الفقي قالي ماتزعلش مننا، وحسيت أني أعرفه من زمان، وقالي حمد لله على السلامة ومكانك موجود وأنت دخلت الشركة المتحدة وهنبدأ صفحة جديدة، وبقيت في حضننا، وبعدها تفاجأت أني همضي عقد لمسلسل في رمضان 2025.

وأضاف: آدم ابني لما كنا بنخرج وأنا مش معايا فلوس كان بيحس بيا وكان ممكن ناكل كشري ونشرب كوباية شاي ونروح ولما عرف أني طالع في برنامج صاحبة السعادة فرح جدًا وتفاجأت لما قالي إنت كاتب كلام من ذهب على فيس بوك.

جدير بالذكر أن أحمد عزمي يشارك كضيف شرف في فيلم المنبر، بطولة أحمد حاتم ومن تأليف فداء الشندويلي وإخراج أحمد عبدالعال ويشارك في العمل كل من أحمد فهيم، أيتن عامر، سامح الصريطي ومحمد عادل ومن المفترض أن يعرض ضمن فعاليات مهرجان البحر الأحمر.