أغاني ومهرجانات في أول يوم دراسة.. غضب بين مستخدمي التواصل الاجتماعي بسبب رقص طلاب جامعة سفنكس الخاصة
أثار فيديو متداول عبر وسائل التواصل الاجتماعي لطلاب جامعة سفنكس الخاصة، حالة من الجدل، وذلك بعد انتشار فيديو لـ حفل افتتاح الدراسة لليوم الأول، وظهر في الفيديو رقص الطلاب والطالبات على عدد من المهرجانات والأغاني الشعبية، وجاء الفيديو بعنوان: جامعة سفنكس أسيوط الجديدة.. حفل افتتاح الدراسة لليوم الأول.
غضب بين مستخدموا التواصل الاجتماعي بسبب رقص طلاب جامعة سفنكس الخاصة
وأثار الفيديو غضب مستخدمي وسائل التواصل الاجتماعي، حيث علق حساب على فيسبوك باسم الحمد لله قائلا: خسارة الفلوس اللي مدفوعالكم عشان تتعلموا، غيركم مجموعه ماجبش الكلية اللي عايزها عشان ماغشش.
وعلق مصطفى الصعيدي على الفيديو: دي مش جامعة، دي المفروض تبقي صاله ديسكو.
وكتب ناصر مازن: هو ده استقبال العام الدراسي، خسارة التعليم لازم حساب لهؤلاء، بنات وأولاد إيه الهبل ده.
وعلق أدهم عباس: حضرتك عاوز تحاسب بنات وأولاد أول يوم ليهم في الكلية، بتستقبلهم بهذا المنظر هيعملوا إيه يعني، لو عاوزين نحاسب فعلا نحاسب رئيس الجامعة اللي مضى على إن حفل زي ده يقام بالمنظر ده.
وكتب مينا حسني: أنا مش شايف حد ماسك صاجات ولا طبلة، والشباب والبنات واقفين كويسين، البنات لوحدهم والولاد لوحدهم، ومفيش تجاوزات خالص، بلاش ادعاء الفضيلة.
وكتب طه أحمد: استقبال أحد الجامعات الخاصة للطلاب، وإن شاء الله الامتحانات النظري في كباريه النجوم، والشفوي عند ام ترتر.
