أبو الليف ينفي تعرضه لأزمة مالية.. ويرد على الشائعات المثارة حوله
كشف الفنان نادر أبو الليف، عن تعرضه لهجوم من البعض، دون سبب واضح، بسبب الشائعات التي انتشرت عنه مؤخرًا.
نادر أبو الليف: مش بخاف لأن قلبي ميت
قال نادر أبو الليف، خلال لقائه مع القاهرة 24: أنا مش بخاف لأن قلبي ميت، وبحب أعمل الحاجة اللي تعجبني لأني عايز أرتقي بجمهوري وأقدم ليه أحسن حاجة لأني مش بعمل حاجة غلط، وحاليًا بقدم فن هادف ومحترم يليق بالمستمع.
ونفى أبو الليف ما تردد مؤخرا عن أنه يعاني من أزمة مالية ويعمل حاليا سائق سيارة قائلا: الشغل مش عيب، سواء أكان سواق أو سباك، أو حارس عمارة ده شرف ليا، ولكن محصلش ولو حصل أنا هقول.
أضاف نادر أبو الليف: كلنا بنسعى علشان نفتح بيتنا ولكن فيه إشاعة مغرضة من ناس ضميرهم وحش عايزين يضربوني في مقتل، وطلعوا إني تعبان وهبطل غناء ولغيت حفلاتي وده غير صحيح، دايمًا، بتعرض لهجوم علشان العين مش بتحب الأحسن منها، ومش هقول غير حسبي الله ونعم الوكيل.
يذكر أن نادر أبو الليف، طرح مؤخرًا أغنية زنانة، عبر موقع الفيديوهات الشهير يوتيوب، وهي من كلمات السيد علي، وألحان عماد تاج، وتوزيع مورو، وإنتاج طارق عبد الستار، وجاءت كلمات الأغنية كما يلي: عصبية بتعلي صوتك عليّا، الناس بصلنا يا ولية، لا لمي الدور، وأهدي شوية وأتهدى أحسنلك، زنانة طلباتك ليه ما بتخلص، ولغيرك عمالة تبصي، كفاية أكل شوية وخسي، وبصي على نفسك.
