تامر أمين: أحمد سعد أوفر في لبس الألماظ.. واللي بيلجأ للمظاهر قليل الموهبة
علق الإعلامي تامر أمين على سرقة مجوهرات الفنان أحمد سعد في مطار ميلانو بإيطاليا، خلال حضوره فرح نجل الإعلامية بسمة وهبة.
تامر أمين: اللي بيلجأ للمظاهر قليل الموهبة
وقال تامر أمين خلال برنامجه آخر النهار: أحمد سعد كان أوفر في لبسه للألماظ، ومن يلجأ لفكرة خطف أنظار الناس باللبس والمجوهرات والتقليعات الغريبة هم قليلو الموهبة، لكن أحمد سعد هو من أنجح المغنيين فمش محتاج ألماظ.
وكشف أحمد سعد مؤخرًا تفاصيل سرقته في مطار ميلانو بإيطاليا، خلال حضوره فرح نجل الإعلامية بسمة وهبة، مشيرًا إلى أن حقيبته كانت بها عدة ساعات عزيزة عليه، وبها ألماظ وهدايا ثمينة، هذا بجانب العقد الذي ارتداه في الحفل ولفت به الأنظار.
وقال أحمد سعد عن المقتنيات التي فقدها خلال لقائه في برنامج ET بالعربي: الخساير ولا حاجة من النعم اللي ربنا إدهالي، منها أول ساعة جبتها في حياتي، ساعاتي وألماظي اتسرقوا، وشنطتي كلها راحت في مطار ميلانو.
أحمد سعد يكشف تفاصيل عودته لـ علياء بسيوني
وفي سياق آخر، تحدث أحمد سعد عن عودته لـ علياء بسيوني وتصدره التريند من جديد، موضحا: أنا عايش عشان أنكش الناس أكل عيشي من نكش الناس، مهما كان الناس بينهم خلاف ليه منديش بعض فرصة، ونبص لبعض بشكل مختلف، إحنا فيه ما بينا عيال، حتى العيال تلاقينا عملنا كل اللي بإيدينا، وعلياء الفترة اللي فاتت متغيرة معايا جدًا واكتشفت إن الحياة بيها أحسن، وهنعمل فرحنا والولاد يبقوا لابسين لبس الفرح معانا.
