أحمد فهمي: أكرم حسني شخص كريم جدًا.. وأنا كنت متنمر في المدرسة
كشف الفنان أحمد فهمي اللحظات السعيدة في حياته ومواقف الدراسة وكذلك علاقته بالفنانين، وخصوصا بالفنان أكرم حسني.
أحمد فهمي يتحدث عن علاقته بـ أكرم حسني
وتحدث أحمد فهمي في تصريحات تليفزيونية عن علاقته بأكرم حسني، قائلا: ببقى سعيد في نويبع وأكرم حسني بيكون معايا هو ومصطفى خاطر وبييجي بـ المكاتب والأبجورات، وبيخاف ينسى حاجة وهو شخص كريم جدًا، واحنا مسافرين نويبع وقفنا على عربية فول وقاله هات لينا أربعينات من السندوتشات، ودخل سوبر ماركت جاب كل اللي فيه وبيحب يسافر بحاجته كلها، وكل الناس في نويبع بتيجي تتفرج ويقولوا قهوة أكرم.
أحمد فهمي: كنت متنمر جدًا في المدرسة
وتابع عن طفولته وقت الدراسة قائلًا: كنت متنمر جدًا في المدرسة والتنمر ممكن يكون غلط لو على حد عنده إعاقة معينة، لو اتريقت على شخص عادي الضحك ما بيطلعش غير كده والتنمر بقى شمسية كبيرة بيتحط تحتها أي حاجة وبتعطل حاجات كتير، لكن طبعا في تنمر يضايق.
وفي وقت سابق، أثار أحمد فهمي الجدل، حين لمح إلى تعرض عائلته لـ السحر والأعمال دون ذكر تفاصيل أكثر.
ونشر أحمد فهمي صورة لشقيقه الفنان كريم فهمي مع زوجته، ودعا الله أن يبعد عنهم السحر والأعمال، حيث كتب: ربنا يحفظكوا ليا ولبعض ويبعد عننا شر الأعمال والسحر الأسود والسحرة والفجر عند الخصومة، ويديم علينا نعمة قرب ولاد الأصول دايمًا.
