ما تقولوش لأهاليكم ورفضوا يرجّعوا البطايق.. فتاة تحذر من شركة شهيرة تستدرج البنات بإعلانات وهمية
نشرت فتاة تدعى مها جاد فيديو على حسابها الشخصي على تيك توك، من إحدى الشركات التي تستدرج الفتيات بإعلانات وهمية ثم تجبرهن على عمل آخر.
فتاة تحذر من إحدى الشركات الشهيرة
وقالت مها جاد في الفيديو: أنا عاملة الفيديو ده عشان أحكي حاجة أول مرة أتعرض لها، أنا نزلت علشان أدور على شغل كخطوة أبدأ بيها، وأتعرف على ناس وأشوف ناس جديدة، الشغل ده عن العمارة اللي في بيتزا كينج عند الهرم عشان تبقوا عارفين.
وأوضحت: هما طالبين حد استقبال وحد سوشيال ميديا، لما روحت طلبوا مني أملا استمارة مليتها وخدوا كل بياناتي، وطبعا اخترت سوشيال ميديا علشان ده أكتر حاجة اطلبت مني.
وأضافت مها: تقدري تيجي من بكرا لكل الناس اللي اتقبلت وهتتدرب البنت خادتنا وقعدتنا في أوضة كلنا قعدنا كتير جدا وبعدين بعدها دخلت علينا وقالتلنا هما قالولكوا ايه في الإنترفيو.
واستكملت: رديت عليها وقولت لها إنهم قالولنا إنكوا هتتدربوا 3 شهور تدريب مدفوع الأجر، والمرتب اللي قالته أقل من اللي اتعرض علينا.
واختتمت: وبعدين بدأت تشرح لنا طبيعة الشغل وقالت إن عشان تبدأوا في الشغل هنا لازم تاخدوا عينات من عندنا وتنزلوا تبيعوها في الشارع، ومش لازم تقولوا لأهاليكم عن طبيعة الشغل، طب لو هو شغل محترم ليه ماقولش لأهلي.
وأشارت: حاولت أتصل بحد معرفتش أوصل لحد من عيلتي وكانت رافضة تخليني أخرج، وكانوا واخدين البطايق بتاعتنا أول ما روحنا ورفضوا يرجعوها غير لما ننزل الشارع ونبيع الحاجة ونرجع ناخدها، لما طلبت البطاقة قالت لي خلصي يومك وخدي البطاقة.
ودخلت الفتاة في جدال بينها وبين الفتاة العاملة في تلك الشركة، حتى تمكنت من الحصول على بطاقتها، موضحة: قعدت أحاول أخرج وكانوا بيقنعوني أقعد بأي طريقة.
