ميدو عادل: بحب المسرح أكتر من أي حاجة في الدنيا.. ورسالتي للناس تخليها في حالها
تحدث الفنان ميدو عادل، عن علاقته بالمسرح، بجانب حديثه عن منتقدين ظهور ذوي الهمم في الأعمال الفنية ووسائل الإعلام.
وقال ميدو عادل، في لقائه مع القاهرة 24: ما أظنش إن فيه حد بينتقد ظهور ذوي الهمم في الأعمال الفنية، وأنا رأيي ورسالتي للناس أن كل واحد يخليه في حاله ويبص في ورقته والدنيا هتبقى حلوة أوي.
أما عن علاقته بالمسرح، فعلق ميدو عادل: أنا طول الوقت بشتغل مسرح من صغري ومفيش سنة بتعدي من غير ما أشتغل مسرح، والسنة دي عندي مسرحية للطفل وكمان مسرحية روميو وجولييت فنشاطي المسرحي كبير، فأنا مبسوط جدًا وبحب المسرح أكتر من أي حاجة في الدنيا، وبحاول أوازن بين المسرح والتليفزيون والسينما.
ميدو عادل
ومن ناحية أخرى، سبق وأن أعرب الفنان ميدو عادل، عن سعادته بمشاركته في مسرحية مش روميو وجوليت حيث إنها تعد تجربة مختلفة من نوعها، إذ قال في تصريحاته لـ القاهرة 24: المسرحية والعرض مختلف جدًا، وأنا مستمتع جدا بيه مع المخرج عصام السيد، وبعتبره أب روحي وعلي الحجار مدرسة كبيرة وقيمة وقامة فنية عظيمة، وشيء مهم جدًا، وأيضًا مع الجميلة رانيا فريد شوقي.
وأضاف: كل الناس هتغني في المسرحية ورانيا فريد شوقي هتغني والمخرج مصمم إن المسرحية تكون مختلفة، وتقدم شكل درامي واجتماعي متنوع، وكان يوجد اسم آخر لـ اسم مش روميو وجوليت ولكن تم استبداله بهذا الاسم وأنا شايف إن الاسم ده مجنون أكتر.
