فريدة سيف النصر: خايفة من لبسي وأنا صغيرة.. وبقول للبنات لحمكم غالي
وجهت الفنانة فريدة سيف النصر، نصيحة للسيدات بشأن ملابسهن، موضحة إنها تخوفت من تحمل ذنب ملابسها في صِغرها، مستشهدة بآية قرآنية.
وكتبت فريدة سيف النصر، عبر حسابها الشخصي بموقع فيسبوك: لازم أقول مقدرش أقرأ حاجة بشرحها وتفسيرها وتنفعكم يوم الحقيقة الوحيد ومقولهاش، والمعنى الجنة مبنتعراش فيها ومستورين، يبقي لازم نتستر تحت في الأرض عشان نطلع فوق بنفس الهيئة، أنا خايفة من اللبس اللي لبسته وأنا صغيرة، لكن لقيت الرحمة والتفسير في آية: قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ.
وتابعت فريدة سيف النصر: لحمد لله يعني اللي يعمل سوء بجهالة يغفر له لو تراجع لكن لو عارف عقابه ومش فارق عنده، ده رايح في ستين مصيبة غلبان.. أنا عايزة لما أروح لا أجوع ولا أتعرى ولا أعجز إيه الجمال ده، حبايبي متستنوش تبقوا كبار اسرعوا ماحدش عارف ساعته امتى.. نتعظ ونخاف على نفسنا الحياة لو 100 سنة بنمشي برده، خلينا نعمل حساب هناك أكتر.
وأضافت فريدة سيف النصر: لحمكم ده لحمنا وغالي علينا.. والجميل مش محتاج يعمل كده أنتم حلوين حتى لو بورتريه فقط.. بحبكم ويعلم الله.. يا ريت متزعلوش بس هيئة أهل الجنة أحلى، ما إحنا هنروح فين فكروا.
آخر أعمال فريدة سيف النصر
وعلى جانب آخر، شاركت فريدة سيف النصر في الموسم الرمضاني الماضي من خلال مسلسل العتاولة، بطولة أحمد السقا تأليف هشام هلال وإخراج أحمد خالد موسى وشارك في العمل كل من طارق لطفي، زينة، باسم سمرة، أحمد كشك، هدى الإتربي، مصطفى أبوسريع وآخرين، وحقق العمل نسبة مشاهدة كبيرة وقت عرضه.
