أنا أخو عمرو زكي محدش يعرف يعملي حاجة.. حارس عقار بالدقهلية يتهم شقيق اللاعب السابق بالتعدي عليه │فيديو
شهدت مدينة المنصورة في محافظة الدقهلية، واقعة مأساوية حيث حرر حارس عقار محضرًا يتهم فيه شقيق اللاعب السابق عمرو زكي بالتعدي عليه، والتسبب في إصابته بـ25 غرزة.
أنا أخو عمرو زكي محدش يعرف يعملي حاجة
أنا عايز حقي.. بهذه الكلمات بدأ حديث تامر حارس العقار مع القاهرة 24، متهما شقيق لاعب نادي الزمالك ومنتخب مصر سابقا بالتعدي عليه والتسبب في إصابته بـ 25 غرزة.
وقال: أنا أعمل حارس عقار وعندي طفلين الأول عمره 12 سنة والثاني عمره 10 سنوات ويوم الواقعة اتفاجئت بشخص يطرق الباب وقام بالتعدي علي بمطوة، وأصابني في وشي ورقبتي ودراعي.
وأضاف حارس العقار: أنا مكنتش فاهم فيه إيه ومعرفش مين الشخص ده.. لحد ما وقف قدام باب العمارة وقال أنت متعرفنيش؟ أنا أخو عمرو زكي ومحدش يعرف يعملي حاجة ومشي.
وتابع: كنت معرفش إيه السبب لحد ما ولادي قالوا إنهم صحاب ابنه.. وكانوا بيلعبوا كورة مع بعض وكسبوا ابنه راح اشتكاله ونزل ضرب أولادي وضربني وبيهددني بأخوه.
واستكمل: خُفت في بداية الواقعة اللي كانت يوم 8 /9.. ولكن لما شوفت الفيديوهات وشوفت ترويعه لولادي قولت مش هسكت وهجيب حقي وحق ولادي.. وحررت محضر في قسم أول المنصورة ومش بطلب غير حقي وحق ولادي.
