طلعت الشقة بمزاجها│ فتاة تتهم سائق إندرايف بالتحرش بها.. والأخير يرد : عندي شات بكده
رد شخص يدعى حسين، يعمل سائقا عبر تطبيق إندرايف، على اتهام فتاة له بالتحرش بها خلال توصيلها إلى مدينة نصر.
وقال السائق لـ القاهرة 24: أنا كنت شغال في أبلكيشن التوصيل، وجالي الطلب الساعة واحدة و45 دقيقة، المشوار كان لمدينة نصر أوبر اسكوتر، وفي أثناء الرحلة هي اتكلمت معايا في أمور خارجة عن الرحلة، وطلبت مني تسجيل رقمها الخاص وقالت لما تحتاج حاجة كلمني.
فتاة تستغيث من سائق إندرايف
وتابع السائق: الفتاة تحدثت عن نفسها وسألتني أنت خريج إيه؟ قولتلها معهد عالي سنتين، ووصلتها لمكان الرحلة في مدينة نصر، والساعة تلاتة الفجر كلمتني وقالتلي تعالى خدني عايزة أروح سقارة، قولتلها أنا في التمرين صعب أتحرك دلوقتي، وعندما ألحّت عليا أروح لها روحت وهزرنا مع بعض وعندي شات بالكلام ده.
وأكد: في أثناء الطريق طلبت منها نروح على الحدايق نقعد مع بعض، ووافقت على كده وفعلا روحنا وقعدنا في شقة لوحدينا، والصبح لما نزلت كلمت واحد صديقها وبعتتله اللوكيشن على حدايق القبة علشان ييجي ياخدها.
وتابع السائق: اتفاجئت ببوستات على السوشيال وإنها عملت فيا بلاغ وروحت لقسم الشرطة واتهمتها أنا كمان بالتشهير، ولما المباحث قالوا هتتعرضوا على النيابة بكره الصبح هي قالت خلاص هنتنازل، وعملنا محضر بعدم التعرض، والنهاردة اتفاجئت إنها بتنزل صوري ومنشورات تاني على الفيس بوك.
وكانت فتاة تدعى أميرة جمال 22 عاما، استغاثت عبر مواقع التواصل الاجتماعي، من تعرضها للضرب والتحرش على يد سائق إندرايف.
وكتبت منشورًا لها عبر موقع التواصل الاجتماعي، تستغيث من خلاله من سائق إندرايف، متهمة إياه بأنه تعرض لها بالضرب والتحرش أمام منزلها.
فتاة تستغيث من سائق إندرايف
وقالت: أنا طلبت العربية لصاحبتى بالليل تروح بيها، وأنا كنت عند صاحبتى في شيراتون، وهو فضل تحت بيتي للصبح واستنى أروح الشغل لما نزلت قالي Hi miraa remember me؟، أنا كنت معاكي في الجامعة، وكنت صاحب صاحبك ما تيجى أوصلك، قولتله أنا مبركبش موتوسيكلات.
وتابعت: كنت واقفة مستنية أوبر تاني وده مسك موبايلي وكسره، وضربني جامد جدًا بمفتاح ومطوة وثبتني، وحاول يعتدي عليّا ويخطفني وكاميرات الشارع جايباني، وضهري كله أثار ضرب واعتداء، دخلت صيدلية أهرب منه قولتلهم ده خاطفني قفلوا الصيدلية عليا.
