تطورات الحالة الصحية لـ سامو زين بعد تعرضه لوعكة مفاجئة
طمأن المطرب سامو زين، جمهوره بعد تعرضه لوعكة صحية خلال الفترة الماضية، مشيرًا إلى أنه يتمتع حاليًا بحالة صحية جيدة.
وقال سامو زين، خلال مسجل صوتي عبر حسابه الشخصي بموقع تبادل الصور والفيديوهات انستجرام: شكرًا جدًا لكل الناس اللي حاولت تتواصل معايا أو تبعتلي رسالة عن طريق السوشيال أو عن طريق تليفوني أو عن طريق أي جهة بشكركم جدًا.
وتابع سامو زين: إن شاء الله يارب مشوفش فيكم أي حاجة وحشه بإذن الله، أنا كويس الحمد لله وإن شاء الله يومين ثلاثة كده هكون معاكم شكرًا جدًا.
وعلى جانب آخر، أعرب سامو زين مؤخرًا عن سعادته بالعودة لمصر، بعد غيابه عنها لعدة سنوات، مشيرا إلى أنه اشتاق لها منذ أول أيام سفره، وأنه عائد بقوة وبأعمال مختلفة.
وقال سامو زين خلال لقائه بـ القاهرة 24: مصر وحشاني من أول يوم سافرت فيه، أكيد طولت شوية بس رجعت بالحب وبحاجات كنت حابب أقدمها، وخدت وقتي وأنا بجهز الألبوم، والمصريين وحشوني وبقولهم أنا معاكم وهنرجع للأفراح والحفلات تاني.
وبشأن رأيه في عمليات التجميل، ودعمه لها، أوضح سامو زين: بدعم عمليات التجميل ولكن على حسب الحالة اللي محتاجه تعملها، وهي بقت دور أساسي في حياة الإنسان ومهم للحياة العملية والمهنية، وحاجة مهمة إنها تكون متواجدة، وصعب في الوقت الحالي إن الشخص يقدر يحافظ على نفسه، وفي دلوقتي حد بيبقى فاهم بشرتك محتاجة إيه، وبيتعامل معاها.
