هنذاكر ولا هنلعب؟.. طفلة تبكي في أول يوم دراسي وتخطف أنظار السوشيال ميديا
تداول رواد مواقع التواصل الاجتماعي، فيديو لطفلة خلال حضورها أول يوم دراسي بإحدى مدارس بورسعيد، وظهرت الطفلة في الفيديو المتداول، وهي تبكي خوفًا من الدراسة.
طفلة تبكي في أول يوم دراسي
ظهرت الطفلة في الفيديو، أثناء حديثها مع إحدى المعلمات قائلة، أحنا أول يوم بنذاكر النهاردة ولا هنروح الفصل ونلعب.
وحاولت المعلمة تهدئة الطفلة فقالت لها، متخافيش ياحبيبتي هتلعبي وتدخلي الفصل يقولولك حاجات جميلة، متعيطيش عشان بكرة هتحبي المدرسة وتلعبي مع صحابك، أول يوم مفيش مذاكرة في الفصل والخميس هتلعب معاكوا ألعاب جميلة.
تفاعل كبير مع فيديو الطفلة سما
وتفاعل عدد كبير من رواد مواقع التواصل الاجتماعي مع فيديو الطفلة الصغيرة سما، إذ علق شخص على الفيديو بسخرية، فكرتنى بنفسى اول يوم في الجيش وقال آخر: لسه قدامك مذاكره حوالي 15 سنه كده بس يا سما متخافيش.
بينما علق آخر، اتمني بنتي ربنا يبعتلها ميس جميلة كده تحببها في المدرسة خصوصا أن أول يوم لها، وقال آخر، ذكرتني بنفسي أول يوم مدرسه كنت خايفه أحسبهم بيعطونا انجليزي، شكرا المدرسة الجميلة، اللي عرفت تسيطر على خوف سما من الدراسة.
