مصطفى كامل وحمادة الليثي وحودة بندق يقدمون واجب العزاء في نجل إسماعيل الليثي
قدم الفنان مصطفى كامل نقيب المهن الموسيقية، واجب العزاء في نجل المطرب الشعبي إسماعيل الليثي، في العزاء المقام حاليًا في منطقة إمبابة.
عزاء نجل إسماعيل الليثي
كما حرص المطرب الشعبي حمادة الليثي على مساندة إسماعيل الليثي في عزاء نجله، وسط حضور عدد كبير من أهالي منطقة إمبابة وأصدقاء إسماعيل الليثي، والمطرب حودة بندق، وغيره من المطربين الشعبيين.
سبب وفاة نجل إسماعيل الليثي
وفي وقت سابق، كشف المطرب الشعبي إسماعيل الليثي، سبب وفاة نجله الطفل رضا الشهير بـ ضاضا الليثي، خلال تصريحاته لـ القاهرة 24، قائلًا: رضا كان بيجي هنا في إمبابة يلعب خميس وجمعة، وصحي بدري واخواته وكله نايم، وكان بيعلب وتوازنه اختل ووقع وتوفى، وأنا كنت موجود في بيتي وهو مرضيش يروح معايا وكان بيحب يقعد عند أمي، كان معايا لغاية 7 الصبح.
وأضاف إسماعيل الليثي: رضا كان معروف في مصر كلها، ربنا يصبرني وما يحط حد في الموقف اللي أنا فيه، وكنت بزعق معاه ومع أمه وأقولهم متنزلوش له فيديوهات، وكان هيدخل في عمل مع منة شلبي، وعمله دلوقتي مع ربنا.
واختتم الليثي: رضا كان معايا لغاية 7 الصبح وعرفت خبر وفاته الساعة 2، ادعوا له بالرحمة، وأي حد بيكتب عنه أي كلمة مالهاش لازمة هو مكنش عنده حاجة، كان صاحبي وابني وكل حاجة في الدنيا، وكان معايا امبارح بالليل في فرح وبيرقص ويغني والعريس والعروسة خرجوا جابوه من برا من كتر حب الناس فيه.
