سعرها 350 جنيها.. الـ banana guard تثير سخرية مواقع التواصل الاجتماعي
قبل بداية الدراسة، تصدرت حافظة الموز لمواقع التواصل الاجتماعي بعد أن أصبحت عنصرًا أساسيًا في قائمة سبلايز في بعض المدارس، مما أثار غضب وسخرية عدد كبير من أولياء الأمور بسبب سعرها المبالغ فيه الذي وصل إلى 350 جنيها.
الـ banana guard تثير سخرية مواقع التواصل الاجتماعي
حالة من الاستياء أصابت أولياء الأمور قبل بداية الدراسة، وذلك بسبب زيادة عناصر جديدة في قائمة السبلايز بالمدارس، مع ارتفاع أسعار تلك العناصر الجديدة مثل حافظة الموز banana guard.
وعبر أحد أولياء الأمور عبر حسابه الشخصي بموقع التواصل الاجتماعي فيس بوك منشورًا عن استيائه بسبب حافظة الموز قائلا: معلومة مهمة جدا دي الـ banana guard بيطلبوها دلوقتي مع سبلايز المدارس عشان تحمى الموزة اللي بياخدها الطفل معاه المدرسة، بيحطها الطفل في اللانش بوكس وبيحط الاتنين في اللانش باج وأسعارها في المتناول بتبدأ من 100 جنيه لـ350 جنيها والأفضل الإيطالي يا جماعة أظن مفيش بعد كده.
بينما علقت إحدى أولياء الأمور عبر حسابها قائلة: دي حافظة موز، بنجيبها علشان نحط فيها الموزة، والحافظة دي هنحطها جوه اللانش بوكس، واللانش بوكس هنحطه جوه اللانش باج، واللانش باج بنحطه بقى جوه الباج معروفة.
ونشر شخص منشورًا عبر حسابه بمنصة فيس بوك قائلًا: ده بقى الـ banana اللامؤاخذة guard آخر تقليعات المدارس في مصر، يا جدعان إحنا كده دخلنا في مرحلة الهلوسة، أصل إحنا لو ربنا كرمنا وجبنا البانانا ليه نجيبلها حافظة، ممكن بالله عليكم نركز على المعلومات اللي في الكتب ونربي العيال إنهم يكونوا أسوياء.
