ما بين الفخر والخجل.. دينا تكشف موقف نجلها من عملها راقصة
كشفت الفنانة دينا موقف نجلها من عملها راقصة، واصفة هذا السؤال بالتطفل الكبير من قِبل سائليه، إذ أكدت إن نجلها فخور دائما بنجاحاتها.
وقالت دينا خلال تصريحات تليفزيونية: سؤال حشري جدا لما بتسأل ابنك راضٍ عن شغلك راقصة ولا لأ؟ أنا ربيت ابني إنه يحترم النجاح، وهو فعلا فخور بنجاحي وأنا راقصة وبيتمنى ينجح زيي، آه ماما بترقص وماما ناجحة وبتحب شغلها.
وأردفت دينا متحدثةً عن سنها: ساعات بيتقالي أنتِ كبرتي وناس بتقول مش بيبان عليكِ الكَبر، أنا كبرت ومش بيبان عليا وده بسبب إني مش بنام بالمكياج ومش بفوت يوم من غير رياضة، فـ أنا مش بزعل من إني كبرت لأن دي حقيقة.
دينا تتحدث عن علاقتها بـ سعد الصغير
وفي سياق آخر، سبق وتحدثت دينا عن العلاقة التي تربطها بالفنان سعد الصغير، بعد تعاونهما في أكثر من عمل فني، كما أشارت إلى أنها لا تستطيع فهمه حتى هذا الوقت، مؤكدة أنها لا يمكن أن تكون صديقته، وقالت دينا في أحد البرامج التلفزيونية: سعد الصغير شخصية غريبة جدًا، اشتغلت معاه كتير حوالي 5 أفلام مع أحمد السبكي، ومرة اتخانق معاه ومرة نشتغل سوا، وساعة كويس وساعة مش كويس.
