تيكتوكر تشكو من إحدى شركات الكاستينج الشهيرة: خدونا مكان مقطوع ولا أكل ولا ماية
نشرت التيكتوكر لوجي أحمد فيديو على حسابها الشخصي، تشكو فيه من إحدى شركات الكاستينج الشهيرة، بسبب معاناتهم لفريق العمل خلال تصوير أحد الإعلانات.
تيكتوكر تشكو من إحدى شركات الكاستينج الشهيرة
وقالت التيكتوكر لوجي أحمد في الفيديو: من شهر كلمني واحد قالي عايزينك في إعلان في التليفزيون، أقسم بالله يا جماعة أنا شوفت حاجات عمري ما شوفتها، رصونا زي الخرفان، قاعدين فوق الـ15 ساعة ما بنعملش حاجة في الشمس في حتة مقطوعة.
وتابعت لوجي أحمد: ولا بوق مايه ولا أكل ولا شبكة، رصينا جنب بعض في الشارع اللي يغمى عليه يغمى واللي يموت يموت ولا فارقلهم أقسم بالله أنا مش بكذب ولا في كلمة.
وأضافت: وفي الآخر بعد كل ده بدأنا نصور الساعة 2:30 بليل مرصوصين زي الكلاب من الساعة 10 الصبح.
وأردفت: وقلة أدب وحركات أنا مش هعرف أقولها الولاد بيعملوها مع البنات، وفي الآخر ما دوناش الفلوس اللي كانوا متفقين يديوها لينا.
وأشارت لوجي أحمد: كلموني شركة إنتاج تانية علشان أعمل مسلسل في رمضان وروحت عشان أمضي العقد، وقالولي المسلسل هيبدأ في تسعة وفعلا بدأ وبيلعبوني ومروحتش.
واختتمت حديثها: لقيت شركة الكاستينج اللي روحتها بتكلمني وبيقنعوني بدور تاني، أنا معرفش هما مالهم بالشركة ديه، أنا مش هاسكت على الشركات ديه وهفضل اتكلم عليهم ومش هسكت عن حقي.
