كأني مضروبة.. سيدة تستغيث بعد إجرائها تاتو حواجب بمركز تجميل: قلت للكوافيرة عندي حساسية
شاركت سيدة فيديو لها عبر منصة تيك توك، تستغيث فيه من تورم وجهها، بسبب إجرائها تاتو حواجب داخل أحد مراكز التجميل المجهولة.
وقالت السيدة عبر الفيديو: مساء الخير أنا اسفة إني طلعت بالمنظر ده.. طبعا أول ما هتشوفوني هتفتكروا إني مضروبة علقة، بس لا.. أنا عملت تاتو في حواجبي عند كوافيرة قولتلها إن عندي حساسية.
سيدة تستغيث من مركز تجميل بسبب تاتو حواجب
وأردفت السيدة: وقتها الكوافيرة قالتلي إن عندها حجز للتاتو مش بستخدم أوكسجين.. مياه بس، وطبعا كملت واكتشفت إن الحجز كان كله أوكسجين، ومفيش يومين لقيت نفسي بالمنظر ده واستخدمت مراهم كتير وأدوية بس مفيش فايدة.
واختتمت: يا ريت أي واحد عنده أمه، أخته بنته زوجته، ميخليهاش تعمل التاتو ده، عشان متبقاش بالمنظر اللي أنا فيه، خاصة لو عندها حساسية تخاف على بشرتها ونفسها وصحتها، وربنا يجازي اللي كان السبب وحسبي الله ونعم الوكيل.
وتفاعل عدد كبير من مستخدمي مواقع التواصل الاجتماعي، مع فيديو السيدة إذ قال أحد الأشخاص: لازم تروحي لدكتور فورا وتاخدي حقنة كورتيزون تحت إشراف الطبيب.
وأضاف آخر: سبحان الله مفيش حاجة ربنا قال عليها إنها حرام، إلا لازم تكون مضرة ومؤذية لينا شفاك الله وعفاك.
وعلق صاحب حساب آخر: ألف سلامة عليكي.. ربنا يشفيكي ويعافيكي ويقومك بالسلامة اللهم آمين يا رب.
