داليا البحيري عن أزمة مها أحمد: قالت حاجات كتير صح.. وبقول لمهاجميها دع الخلق للخالق
علقت الفنانة داليا البحيري، على أزمة الفنانة مها أحمد، بسبب تصريحاتها الأخيرة في لايف على تيك توك، والذي انفعلت فيه على متابعيها وحديثها عن التربح من الموقع.
وقالت داليا البحيري، في لقائها مع القاهرة 24: معنديش حاجة أقولها لـ مها أحمد، ولكن عندي حاجات أقولها للناس اللي هاجموا مها، كل واحد عنده مسئولياته وحياته ومبرراته، طالما مبتأذيش حد سيب كل واحد في حاله ودع الخلق للخالق، أنا لا أتفق في حاجات كتير مها قالتها، ولكن هي قالت حاجات كتير صح.
أزمة مها أحمد
وفي سياق متصل، أثارت الفنانة مها أحمد، الجدل خلال الفترة الماضية بسبب تصريحاتها بأنها لن تترك التيك توك أو أي موقع تحصل منه على أموال، قائلة: شغلي على التيك توك وعلى أي برنامج مش هسيبه طول ما فيه فلوس، ومش هينفع أتعالج على نفقة الدولة مع إني فنانة، لكن أنا عايزه أعالج نفسي بنفسي، وأعمل علاقات مع الناس الجامدة والداعمين الجامدين بره، يمكن أسافر اشتغل بره ويمكن شيخة تشوفني وتشغلني عندها ليه لأ، أنا عندي طموح اشتغل عند الناس بره مش هنا، علشان أنتم متنمرين، ومش هتقولوا دي ست بمية راجل بتشتغل وتكسب أنا هتفسح وهدلع وهكيدكم وأنا قاعدة وأي مكان فيه شغل وفلوس أنا قاعدة.
