والدة ضحية حادث أحمد فتوح: ابني عنده بنتين مين هيعلمهم بعد أبوهم
قالت والدة ضحية اللاعب أحمد فتوح لاعب نادي الزمالك بعد قرار إخلاء سبيله على ذمة القضية: ابني كان أجدع حد والدنيا كلها بتحبه، وكان يبلغ من العمر 52 عاما وكان محبوب من كل الناس.
وأضافت والدة الضحية خلال تصريحات خاصة لـ القاهرة 24: ابني عنده بنتين مين هيعلمهم ومين هيجوزهم بعد أبوهم، دول عايزين مصاريف كتيرة، مرددة: حسبي الله ونعم الوكيل في اللي كان السبب.
وأكملت والدة ضحية حادث أحمد فتوح: ابني كان محبوب من كل الناس اتعمل ليه عزاء الدنيا كلها شاركت فيه.
وكانت محكمة جنايات مطروح الدائرة الثانية، قررت إخلاء سبيل أحمد فتوح لاعب نادي الزمالك بكفالة مالية قدرها 50 ألف جنيه، في قضية دهس المواطن أحمد السيد على طريق الساحل، والتسبب في مقتله بالخطأ، والقيادة تحت تأثير المخدرات.
وغادر أحمد فتوح لاعب نادي الزمالك قسم شرطة مطروح؛ تنفيذًا لقرار محكمة جنايات مطروح بإخلاء سبيله بكفالة مالية 50 ألف جنيه، في قضية الدهس.
