صاحب تصميم لوجو بافلو برجر الأصلي يكشف حقيقة تعرضه للنصب من الشركة
حرص المصمم سامح نسيم مصمم لوجو سلسلة مطاعم بافلو برجر، على كشف حقيقة واقعة ادعاء شخص آخر بأنه صمم لوجو بافلو برجر، دون الحصول على مستحقاته المالية من صاحب الشركة.
صاحب لوجو بافلو برجر الأصلي يكشف حقيقة تعرضه للنصب من الشركة
أوضح سامح نسيم حقيقة الادعاءات الخاصة بتصميم لوجو بافلو برجر قائلًا: امبارح تفاجأت بمنشور من شخص يدعي فيه أن صاحب تصميم لوجو بافالو برجر، وأنا بكتب علشان أوضح الحقيقة.
وواصل: أنا وديزاينر معايا لما كنا في مصر كنا بنشتغل مع الشركة وصممنا أكتر من لوجو وبراندينج خاص بمطاعم لهم مش بس بافالو برجر، وأخدنا أتعابنا المتفق عليها كما جرت العادة في كل الشغل اللي عملناه للشركة طوال سنين شغلنا مع بعض.
وواصل: التصميم النهائي وكل المطبوعات والبراندينج بتاع بافلو برجر إحنا اللي عملناها وكنا جزء من التنفيذ والإنتاج لحد افتتاح المحل وبعدها بفترة طويلة.
واستطرد: وعلاقتنا بالشركة وبالإدارة كان علاقة تقدير ونزاهة وتعاون، في الفترة دي أنا كنت بتعامل مع مدير الشركة كصديق وأخ كبير وكان جزء كبير من بداية حياتي المهنية ونجاحي في مجال التصميم/ وبعد كده الإعلانات، والشركة أكيد ليها إجراءات هتتخذها ضد التشهير بها.
وخلال الساعات الماضية، تداول مستخدمو مواقع التواصل الاجتماعي لمنشور لشخص يدعى نادر، زعم فيه أن صاحب تصميم بافلو برجر، وأن صاحب سلسلة المطعم حصل على اللوجو بدون أن يسدد ثمن التصميم له.
