مصطفى كامل: غيرت المطربين اللي بيروحوا الساحل.. وقولت لو حفلاتهم مجبتش 20 مليون جنيه هستقيل
كشف نقيب الموسيقيين مصطفى كامل، عن أنه أصر على تغيير مطربي حفلات الساحل الشمالي، بهدف زيادة العائد المادي.
وقال مصطفى كامل في لايف مع القاهرة 24، في المؤتمر الصحفي المقام حاليًا، بمقر نقابة المهن الموسيقية: السنة اللي فاتت لما أصريت على تغيير الناس اللي بتروح الساحل قولتهم لو الساحل مجبش للنقابة 20 مليون جنيه هستقيل.. السنة دي جاب 20 مليون و800 ألف جنيه لما غيرت المطربين.
وأضاف مصطفى كامل: اللي مش قد إنه يدير أمور الناس يسيب الكرسي لغيره.. واللي مش قادر يقعد علشان يعامل ربنا في الناس اللي بتشتغل في الشارع أو الكبير في السن معندوش وسيلة غير البيت دا يمشي، واللي يشوف باطل ويسكت يمشي، ولو كل مسؤول راعى ربنا في المؤسسة اللي هو فيها البلد مش هتعاني.
وواصل مصطفى كامل: في ناس بتفكرني بقول الكلام وأطنش ولكن أنا مش هسكت، وأي حد مش هيشتغل بما يرضي الله لازم يمشي.. لأن المجهود دا مجهود ربنا اللي يعلم بيه إنك تتابع خلال الـ 24 ساعة كل محافظة بكل مشاكلها.
